იცხოვრე ქრისტიანული პრინციპებით

დავიხვეწოთ ქადაგებაში აღძარი დაინტერესებული, დაესწროს კრების შეხვედრას

ძმა მამაკაცს სთავაზობს მოსაწვევს კრების შეხვედრაზე

რატომ არის მნიშვნელოვანი: კრების შეხვედრებზე შეგვიძლია ვუმღეროთ იეჰოვას და განვადიდოთ ის (ფსალმ. 149:1). შეხვედრებზე ვსწავლობთ იეჰოვას ნების შესრულებას (ფსალმ. 143:10). ჩვეულებრივ, დაინტერესებულები და ბიბლიის შემსწავლელები მეტად მიიწევენ წინ სულიერად, როცა კრების შეხვედრებზე იწყებენ დასწრებას.

ოქტომბრის შეთავაზება: კრების შეხვედრაზე მოსაწვევი

ზოგი, ვინც კრების შეხვედრას პირველად ესწრება, ასკვნის: „მართლა თქვენ შორის არის ღმერთი“ (1 კორ. 14:25). ოქტომბერში ყველანი შევეცდებით, ხალხი კრების შეხვედრაზე დავპატიჟოთ. შევთავაზებთ კრების შეხვედრაზე მოსაწვევს და, მობინადრე თუ თანახმა იქნება, ვუჩვენებთ ვიდეორგოლს „რას ემსახურება იეჰოვას მოწმეების სამეფო დარბაზი?“. მომდევნო კვირაში ვუყურებთ და განვიხილავთ შეთავაზების ნიმუშს.

როგორ მოვიქცეთ:

მალევე დაპატიჟე დაინტერესებული კრების შეხვედრაზე და ნუ დაელოდები, ვიდრე ბიბლიის შესწავლა რეგულარულ ხასიათს მიიღებს (გამოცხ. 22:17).
აუხსენი დაინტერესებულს, რა ხდება კრების შეხვედრაზე და რა იქნება განხილული მომდევნო შეხვედრის დროს. ამაში დაგეხმარება კრების შეხვედრაზე მოსაწვევი, ვიდეორგოლი „რას ემსახურება იეჰოვას მოწმეების სამეფო დარბაზი?“ და ბროშურის „იეჰოვას ნება“ მე-5 და მე-7 გაკვეთილები.
შესთავაზე დახმარება. შეიძლება დაინტერესებულს ტრანსპორტით მომსახურება ან სათანადო ტანსაცმლის შერჩევაში სჭირდება დახმარება. შეხვედრაზე მის გვერდით დაჯექი და ჩაახედე შენს პუბლიკაციებში. გააცანი სხვებს.