„პატივი ეცი მამას და დედას“

დედამიწაზე თავისი მსახურების დროს იესომ ხაზი გაუსვა, რამდენად მნიშვნელოვანი იყო შემდეგი მცნების დაცვა: „პატივი ეცი მამას და დედას“ (გამ. 20:12; მათ. 15:4). იესოს სიტყვაში სითამამე ჰქონდა, რადგან ბავშვობაში მშობლების მორჩილი იყო (ლუკ. 2:51); ზრდასრულობაში კი იზრუნა, რომ მისი სიკვდილის შემდეგ დედამისისთვის მიეხედათ (იოან. 19:26, 27).

დღესაც ქრისტიანი ახალგაზრდები პატივს სცემენ მშობლებს იმით, რომ ემორჩილებიან და თავაზიანად მიმართავენ. სინამდვილეში მშობლების პატივისცემა ყოველთვის მოგვეთხოვება. ხანდაზმულ მშობლებს კვლავ პატივისცემით უნდა მოვეპყროთ და, როგორც გამოცდილებს, რჩევისთვის მივმართოთ (იგავ. 23:22). ხანდაზმული მშობლების პატივისცემაში შედის ისიც, რომ საჭიროების შემთხვევაში როგორც ემოციური, ისე ფინანსური მხარდაჭერა აღმოვუჩინოთ (1 ტიმ. 5:8). თუ ასაკის მიუხედავად მშობლებთან კარგ ურთიერთობას ვინარჩუნებთ, ვაჩვენებთ, რომ პატივს ვცემთ მათ.

უყურე გრაფიკულ ანიმაციას „როგორ გამოვნახო საერთო ენა მშობლებთან?“ და უპასუხე ქვემოთ მოყვანილ კითხვებს:

• რატომ შეიძლება ზოგჯერ გაგიჭირდეს მშობლებთან ლაპარაკი?

• როგორ შეგიძლია პატივისცემით დაელაპარაკო მშობლებს?

  

• რატომ ღირს მშობლებისთვის გულის გადაშლა მაშინაც, თუ ეს ადვილი არ არის? (იგავ. 15:22).