ქრისტიანული ცხოვრება
იფრთხილეთ, რომ სიცრუე არ გაავრცელოთ!
დღეს რადიოს, ტელევიზიის, ინტერნეტისა თუ ჟურნალ-გაზეთების მეშვეობით ელვის სისწრაფით ვრცელდება ინფორმაცია, რომელსაც მილიონები ეცნობიან. ჩვენ „ჭეშმარიტების ღმერთს“ ვემსახურებით, ამიტომ არ გვინდა, რომ თუნდაც უნებლიეთ ცრუ ინფორმაცია გავავრცელოთ (ფსალმ. 31:5; გამ. 23:1). არასწორ ინფორმაციას დიდი ზიანის მოტანა შეუძლია. ინფორმაციის გადამოწმებაში შემდეგ კითხვებზე დაფიქრება დაგეხმარებათ:
სანდო წყაროსგან მივიღე ეს ინფორმაცია? ინფორმაციის წყარომ შეიძლება ყველა დეტალი არ იცოდეს. რაც უფრო მეტი ადამიანის პირით ვრცელდება ესა თუ ის ამბავი, მით მეტად მახინჯდება ფაქტები. ამიტომ სიფრთხილე გამოიჩინეთ, როცა არ იცით, ვინ არის ამ ინფორმაციის პირველწყარო. პასუხისმგებელი ძმების ნათქვამს ხშირად და-ძმები ბრმად ენდობიან, ამიტომ ინფორმაციის გავრცელებისას მათ განსაკუთრებული სიფრთხილე მართებთ.
რეპუტაციას ხომ არ ულახავს ვინმეს? არ უნდა გავავრცელოთ ისეთი ინფორმაცია, რომელიც რეპუტაციას ულახავს ერთ ან რამდენიმე ადამიანს (იგავ. 18:8; ფილ. 4:8).
რამდენად სარწმუნოა? ფრთხილად იყავით, როცა სენსაციურ ამბებს ისმენთ.
უყურე ვიდეორგოლს „როგორ მოვერიდო ჭორაობას?“ და უპასუხე შემდეგ კითხვებს:
იგავების 12:18-ის თანახმად, რა ზიანი მოაქვს დაუფიქრებელ ლაპარაკს?
როგორ გვეხმარება ფილიპელების 2:4-ში ჩაწერილი პრინციპი, რომ გაწონასწორებული თვალსაზრისი გვქონდეს სხვებზე საუბრისას?
როგორ უნდა მოვიქცეთ, როცა სხვებზე საუბარი სარკასტულ ან უარყოფით სახეს იღებს?
რაზე უნდა დავფიქრდეთ, სანამ ვინმეზე რამეს ვიტყვით?