რას ვსწავლობთ სამუელისგან?

სამუელი სიცოცხლის ბოლომდე იეჰოვას ერთგული დარჩა. ელის ვაჟების, ხოფნისა და ფინხასისგან განსხვავებით, მან ზნეობრივი სიწმინდე შეინარჩუნა (1 სამ. 2:22—26). იეჰოვას არასოდეს მიუტოვებია სამუელი (1 სამ. 3:19). სამუელს სიბერეშიც არ გადაუხვევია სწორი გზიდან მიუხედავად იმისა, რომ მისმა ვაჟებმა ზურგი აქციეს ჭეშმარიტ ღმერთს (1 სამ. 8:1—5).

რას ვსწავლობთ სამუელისგან? ახალგაზრდებო, დარწმუნებული იყავით, იეჰოვას კარგად ესმის, რა სირთულეებს ხვდებით და რას გრძნობთ. ის დაგეხმარებათ, გაბედულად იმოქმედოთ (ეს. 41:10, 13). მშობლებო, თუ თქვენი შვილი ჩამოშორდა იეჰოვას, გაიხსენეთ სამუელის შემთხვევა. ის ვერაფერს გახდა თავის ზრდასრულ ვაჟებთან, რომლებმაც ზურგი აქციეს იეჰოვას. სამუელმა ღმერთს მიანდო ამ პრობლემის მოგვარება; თავად კი ყველაფერს აკეთებდა, რომ ზეციერი მამის ერთგული დარჩენილიყო. თქვენმა კარგმა მაგალითმა შეიძლება თქვენი შვილი იეჰოვასთან დაბრუნებისკენ აღძრას.

ᲣᲧᲣᲠᲔᲗ ᲕᲘᲓᲔᲝᲠᲒᲝᲚᲡ „ᲘᲡᲬᲐᲕᲚᲔᲗ ᲡᲐᲛᲣᲔᲚᲘᲡᲒᲐᲜ“, ᲓᲐ ᲣᲞᲐᲡᲣᲮᲔᲗ ᲨᲔᲛᲓᲔᲒ ᲙᲘᲗᲮᲕᲔᲑᲡ:

• 

  როგორ გამოავლინა პატარა სამუელმა გაბედულება?

• 

  როგორ გამოავლინა დენიმ გაბედულება?

• 

  რა მხრივ დაგვიტოვა კარგი მაგალითი ხანდაზმულმა სამუელმა?

• 

  რა მხრივ დაგვიტოვეს კარგი მაგალითი დენის მშობლებმა?