ᲥᲠᲘᲡᲢᲘᲐᲜᲣᲚᲘ ᲪᲮᲝᲕᲠᲔᲑᲐ

მზად ხართ ეკონომიკური კრიზისისთვის?

ღვთის მსახურებს არ გვაკვირვებს მსოფლიოში არსებული არასტაბილური ეკონომიკური მდგომარეობა, რადგან ბოლო დღეების მიწურულს ვცხოვრობთ და ბიბლია გვაფრთხილებს, რომ იმედი „წარმავალ ქონებაზე“ არ დავამყაროთ (1 ტიმ. 6:17; 2 ტიმ. 3:1). როგორ გვეხმარება მეფე იეჰოშაფატის მაგალითი, მოვემზადოთ ეკონომიკური კრიზისისთვის?

როცა მტრებისგან საფრთხე დაემუქრა, იეჰოშაფატი იეჰოვას მიენდო (2 მატ. 20:9—12). მან წინდახედულობა გამოიჩინა — „ჯარი ჩააყენა იუდას გამაგრებულ ქალაქებში და საგუშაგოები განალაგა მთელ იუდაში“ (2 მატ. 17:1, 2, 12, 13). იეჰოშაფატის მსგავსად გონივრულად მოვიქცევით, თუ მივენდობით იეჰოვას და სირთულეებისთვის წინასწარ მოვემზადებით.

ᲠᲝᲒᲝᲠ ᲛᲝᲕᲔᲛᲖᲐᲓᲝᲗ ᲔᲙᲝᲜᲝᲛᲘᲙᲣᲠᲘ ᲙᲠᲘᲖᲘᲡᲘᲡᲗᲕᲘᲡ?

მოემზადეთ სულიერად. განივითარეთ კმაყოფილების გრძნობა და განიმტკიცეთ იეჰოვასადმი ნდობა. გჯეროდეთ, რომ ის იზრუნებს თქვენს საჭიროებებზე (მათ. 6:26; 1 ტიმ. 6:8). მტკიცედ გქონდეთ გადაწყვეტილი, რომ ამ აუცილებელი მოთხოვნილებების დასაკმაყოფილებლად არ დაარღვევთ ბიბლიურ პრინციპებს (რომ. 2:21). წინასწარ იფიქრეთ, როგორ მიიღებთ სულიერ საზრდოს, თუ ელექტროენერგია ან ინტერნეტკავშირი გაითიშება. ხელთ იქონიეთ რამდენიმე დაბეჭდილი პუბლიკაცია და, თუ შესაძლებელია, წინასწარ ჩამოტვირთეთ ელექტრონული პუბლიკაციები.

მოემზადეთ მატერიალურად. შეამცირეთ ვალები და არასაჭირო ხარჯები (იგავ. 22:7). შეძლებისდაგვარად მოიმარაგეთ საკვები და აუცილებელი ნივთები. თანხის დაზოგვის მიზნით ზოგმა შეიძლება თავად მოიყვანოს ბოსტნეული.

ᲣᲧᲣᲠᲔᲗ ᲕᲘᲓᲔᲝᲠᲒᲝᲚᲡ „ᲛᲖᲐᲓ ᲮᲐᲠᲗ ᲡᲐᲒᲐᲜᲒᲔᲑᲝ ᲡᲘᲢᲣᲐᲪᲘᲔᲑᲘᲡᲗᲕᲘᲡ?“, ᲓᲐ ᲣᲞᲐᲡᲣᲮᲔᲗ ᲨᲔᲛᲓᲔᲒ ᲙᲘᲗᲮᲕᲔᲑᲡ:

კადრი ვიდეოდან „მზად ხართ საგანგებო სიტუაციებისთვის?“. ილუსტრაციაზე ნაჩვენებია ბიბლია, საევაკუაციო ჩანთა, ტელეფონი, და მშენებლები.

როგორ შეგვიძლია მოვემზადოთ საგანგებო სიტუაციებისთვის?

შენი პასუხი

კადრი ვიდეოდან „მზად ხართ საგანგებო სიტუაციებისთვის?“. ძმები დაზარალებულ და-ძმებს ეხმარებიან — სატვირთო მანქანიდან ცლიან ტვირთს და მონაწილეობას იღებენ მშენებლობაში.

რა უნდა გავაკეთოთ, რომ მზად ვიყოთ სხვების დასახმარებლად?

შენი პასუხი