კარგად დააკვირდით ილუსტრაციებს

ჩვენს პუბლიკაციებში მთავარი აზრების ხაზგასასმელად ხშირად გამოიყენება ილუსტრაციები. რა უნდა გააკეთოთ, რომ ილუსტრაციებმა თავის მიზანს მიაღწიოს?

• სტატიის წაკითხვამდე თვალი გადაავლეთ ილუსტრაციებს. ეს, ასე ვთქვათ, მადას აღგიძრავთ და წაკითხვის სურვილს გაგიძლიერებთ. ასე რომ, წაკითხვამდე დაფიქრდით, რას ხედავთ სურათებზე (ამოს. 7:7, 8).

• სტატიის კითხვისას დაფიქრდით, რატომაა ეს თუ ის სურათი ჩართული ტექსტში. წაიკითხეთ სურათებთან მოცემული წარწერები ან აღწერა. დაუკვირდით, როგორ უკავშირდება ილუსტრაცია განსახილველ საკითხს და თქვენ რას გასწავლით.

• სტატიის წაკითხვის შემდეგ ილუსტრაციების დახმარებით შეიხსენეთ მთავარი აზრები. გონებაში აღიდგინეთ ეს სურათები და გაიხსენეთ, რა ისწავლეთ ამ ილუსტრაციებიდან.

• შეამოწმეთ თავი: თვალი გადაავლეთ ამ ჟურნალში მოცემულ სურათებს და შეეცადეთ, გაიხსენოთ ის აზრები, რაც ამ სურათებს უკავშირდება.