კრიმინალური დაჯგუფების ლიდერი პატიოსანი მოქალაქე გახდა

ერთხელ ძმა სომინი დაზვერვის სამსახურის უფროსმა გენერალური პროკურორის ოფისში დაიბარა და ჰკითხა:

„შენ ხომ ინდონეზიელი ხარ, ჰოდა, გულწრფელად მითხარი, სინამდვილეში, რას საქმიანობენ იეჰოვას მოწმეები ინდონეზიაში?“.

„ნება მიბოძეთ, ჩემი ისტორია მოგითხროთ, — მიუგო ძმა სომინმა. — ერთ დროს კრიმინალური დაჯგუფების ლიდერი ვიყავი, დღეს კი ხალხს ბიბლიას ვასწავლი. აი, ამ საქმით არიან დაკავებული იეჰოვას მოწმეები ინდონეზიაში — ისეთ უვარგის ადამიანებს, როგორიც ერთ დროს მე ვიყავი, კარგ მოქალაქეებად აქცევენ!“.

ამ საუბრიდან გარკვეული დროის შემდეგ დაზვერვის სამსახურის უფროსმა განაცხადა: „იეჰოვას მოწმეების წინააღმდეგ ბევრი რამ მსმენია, მაგრამ ვიცი, რომ ეს კარგი რელიგიაა, რადგან მან შეძლო ბატონი სომინის შეცვლა“.