გლობალურმა სამხედრო ხარჯებმა 2 ტრილიონ დოლარს გადააჭარბა — რას ამბობს ბიბლია?

2022 წელს მთელ მსოფლიოში სამხედრო ხარჯები რეკორდულად გაიზარდა და 2,24 ტრილიონ დოლარს მიაღწია, რაც, ძირითადად, რუსეთ-უკრაინის ომმა განაპირობა. 2023 წლის აპრილში „სტოკჰოლმის მშვიდობის საერთაშორისო ინსტიტუტმა“ (SIPRI) გამოაქვეყნა ანგარიში, რომლის თანახმადაც 2022 წელს …

• „ევროპაში წლიური სამხედრო ხარჯები 13%-ით გაიზარდა, რაც ცივი ომის შემდეგ უმაღლესი მაჩვენებელია“.

• „რუსეთის სამხედრო დანახარჯები 9,2%-ით გაიზარდა და სამხედრო შეიარაღებაზე დახარჯული თანხების მაჩვენებლით მსოფლიო რეიტინგში მეხუთედან მესამე ადგილზე გადაინაცვლა“.

• სამხედრო ხარჯების მხრივ აშშ კვლავ ლიდერად რჩება, რადგან „მთელ მსოფლიოში შეიარაღებაზე დახარჯული თანხების 39% მასზე მოდის“.

„ბოლო წლებში გლობალური სამხედრო ხარჯების მუდმივი ზრდა იმის ნიშანია, რომ მსოფლიო სულ უფრო დაუცველი ხდება“ (SIPRI-ის უფროსი მკვლევარი ნან ტიანი).

ბიბლიამ იწინასწარმეტყველა, რომ დროთა განმავლობაში წამყვან პოლიტიკურ ძალებს შორის დაპირისპირება და დაძაბულობა მოიმატებდა, თუმცა ისიც გაგვიმხილა, რა შეუწყობს ხელს მსოფლიოში ნამდვილი მშვიდობის დამყარებას.

ნაწინასწარმეტყველები სამხედრო კონფლიქტების ზრდა

• ბიბლია დღევანდელ პერიოდს „უკანასკნელ დროს“ უწოდებს (დანიელი 8:19).

• წიგნ „დანიელში“ ჩაწერილი წინასწარმეტყველების თანახმად, „უკანასკნელ დროს“ წამყვანი პოლიტიკური ძალები ერთმანეთს მეტოქეობას გაუწევდნენ. ისინი პირველობის მოსაპოვებლად ერთმანეთს შეებმებოდნენ და ბრძოლების წარმოებისთვის თავიანთი „საგანძურის“ დიდ ნაწილს ანუ დიდი ოდენობით თანხებს გამოყოფდნენ (დანიელი 11:40, 42, 43).

• უყურეთ ვიდეოს „დანიელის მე-11 თავში ჩაწერილი წინასწარმეტყველების შესრულება“ და გაიგეთ მეტი ამ უაღრესად საინტერესო წინასწარმეტყველების შესახებ.

როგორ დამყარდება ნამდვილი მშვიდობა

• ბიბლიიდან ვიგებთ, რომ ღმერთი ყველა ადამიანურ მმართველობას ერთი ხელისუფლებით ჩაანაცვლებს. „ზეციერი ღმერთი დაამყარებს სამეფოს, რომელიც არასოდეს დაიქცევა. ეს სამეფო სხვა ხალხს არ გადაეცემა. ის დააქცევს და ბოლოს მოუღებს ყველა ამ სამეფოს, თავად კი მარადიულად იდგება“ (დანიელი 2:44).

• მალე იეჰოვაa ღმერთი ზუსტად იმას გააკეთებს, რისი მიღწევაც ადამიანურ ძალებს აღემატება — დაამყარებს ნამდვილ და უსასრულო მშვიდობას. ის ზეციერი სამეფოს ანუ ხელისუფლების მეშვეობით ყოველგვარ ძალადობას დაუსვამს წერტილს და ყველანაირ საბრძოლო იარაღს მოსპობს (ფსალმუნი 46:8, 9).

წაიკითხეთ სტატია «ღვთის სამეფოს მმართველობის დროს „იმეფებს მშვიდობა“» და გაიგეთ, რას გააკეთებს ეს სამეფო.