ᲮᲔᲠᲔᲡᲘ

[ნიშნავს „მზეს“]

1. მთა (ებრ., ჰარ), სადაც ამორეველები ისრაელის მიერ ქანაანის დაპყრობის შემდეგაც მკვიდრობდნენ. ეს მთა დანის ტომის კუთვნილ მიწასთან დაკავშირებითაც მოიხსენიება (მსჯ. 1:34, 35). მრავალი მეცნიერის ვარაუდით, მთა ხერესი იგივე ირ-შემეშია (ირშემეში, სავარაუდოდ, იგივე ბეთ-შემეშია, რომელიც იუდასა და დანის საზღვარზეა), რომელიც იესო ნავეს ძის 19:41-შია მოხსენიებული [იხ. ᲑᲔᲗ-ᲨᲔᲛᲔᲨᲘ №1].

2. გედეონი მიდიანელებთან ბრძოლის შემდეგ სწორედ „ხარესში ამავალი გზით დაბრუნდა“. ბიბლიაში, მსაჯულების 8:13-ის გარდა, ეს სახელწოდება სხვა არცერთ წყაროში არ გვხვდება. ამიტომ ზოგი მეცნიერის ვარაუდით, დედნისეული ტექსტი შესაძლოა თავდაპირველად იკითხებოდა არა როგორც „ხერესში ამავალი გზით“, არამედ შემდეგნაირად: „ვიდრე მზე [ჰახერეს] ამოვიდოდა“ ან „მთის მაღლობიდან“.