9. რის სწავლა შეგვიძლია ხანასგან, რომელიც არ შეუშინდა მეტოქეს და არ დარჩა სახლში?

⁹ დილაუთენია მთელი ოჯახი ფეხზე იდგა. ყველა ფუსფუსებდა; ბავშვებიც კი გასამგზავრებლად ემზადებოდნენ. შილოში რომ ჩასულიყვნენ, ეფრემის მთაგორიან მხარეში 30 კილომეტრზე მეტი უნდა გაევლოთ.b ამ გზის ფეხით გავლას ერთი ან ორი დღე დასჭირდებოდა. ხანამ იცოდა, როგორ მოიქცეოდა მისი მეტოქე, ელკანას მეორე ცოლი, მაგრამ მაინც არ დარჩა სახლში. ამგვარად, მან ღვთის მსახურებს შესანიშნავი მაგალითი დაუტოვა. ნამდვილად არაგონივრულია, რომ ვინმესთან დაძაბულმა ურთიერთობამ ღვთის თაყვანისმცემლობაში შეგვიშალოს ხელი. წინააღმდეგ შემთხვევაში, დავკარგავთ ღვთის კურთხევებს, რომლებიც სირთულეების ატანაში გვეხმარება.