როგორ განვავითაროთ ახალი პიროვნება ქორწინებისას
„განახლდეთ თქვენი გონებით სულში [თქვენი გონების აღმძვრელი ძალით, აე] და შეიმოსოთ ახალ კაცად [ახალ პიროვნებად, აე]“ (ეფესელთა 4:23, 24).
1. რატომ არ შეიძლება დაუფიქრებლად მოვეკიდოთ ქორწინებას?
ქორწინება — ეს ერთ-ერთი მნიშვნელოვანი ნაბიჯია, რომელსაც ადამიანი დგამს თავის ცხოვრებაში და ამიტომ, ჩვენ მას არასოდეს უნდა შევხედოთ დაუფიქრებლად. რატომ? იმიტომ, რომ იგი მოითხოვს სხვა ადამიანის მიმართ მოვალეობას, რომელიც მთელი ციცოცხლე გრძელდება. ეს ნიშნავს მთელი სიცოცხლის მანძილზე იცხოვრო იმ ადამიანთან ერთად. ხოლო ეს მოვალეობა მტკიცე რომ იყოს, საჭიროა საღი აზროვნება. ასევე აუცილებელია „გონების აღმძვრელი და ასეთი სახით ახალი პიროვნების ჩამომაყალიბებელი“ დადებითი ზეგავლენა (ეფესელთა 4:23, 24, აე; შეადარე დაბადება 24:10–58; მათე 19:5, 6).
2, 3. ა) რა არის აუცილებელი იმისათვის, რომ ბრძნულად შევარჩიოთ საქორწინო თანამგზავრი? ბ) რას შეიცავს ქორწინება?
2 გონივრული იქნებოდა არ გვეჩქარა დაქორწინება, მაშინ, როდესაც შეპყრობილი ვიქნებოდით ხორციელი სურვილებით. მოწიფული პიროვნებისა და ხასიათის ჩამოსაყალიბებლად საჭიროა დრო. ასევე დროთა განმავლობაში ვიძენთ ცოდნას და გამოცდილებას, რომლებიც დაგვეხმარება ჯანსაღ აზროვნებაში. მაშინ შეიძლება უფრო წარმატებული იყოს შესაფერისი საქორწინო თანამგზავრის ამორჩევა. ესპანური ანდაზა ამას გასაგებად გადმოგვცემს: „სხვენის კუნჭულში ცხოვრება სჯობია ანჯხლ დედაკაცთან ერთად ყოფნას“ (იგავნი 21:9; ეკლესიასტე 5:1).
3 რასაკვირველია, შესაფერისი თანამგზავრის შერჩევა წარმატებული ქორწინების საფუძველია. ამისათვის ქრისტიანი უნდა მისდევდეს ბიბლიურ მითითებებს და არ უნდა მსჯელობდეს მხოლოდ ფიზიკური მიმზიდველობის, ემოციური ზეგავლენისა და რომანტიკული გრძნობების მიხედვით. ქორწინება მხოლოდ ორი სხეულის შეკავშირებას არ წარმოადგენს, არამედ ეს არის ორი პიროვნების შეუღლება; ორი სხვადასხვა აღზრდისა და განათლების; შესაძლოა, ორი სხვადასხვა ენისა და კულტურის. რა თქმა უნდა, ქორწინებაში ორი პიროვნების გაერთიანება მოითხოვს საკუთარი ენის სწორად გამოყენებას. ჩვენი მეტყველებით ვანგრევთ ან ვაშენებთ. ყოველივე აქედან გამომდინარე, ასევე ვხედავთ პავლეს მიერ მოცემული რჩევის სიბრძნეს: „გათხოვდე მხოლოდ უფალში“, ე.ი. თანამორწმუნეზე (1 კორინთელთა 7:39, „ახალი აღთქმის ახალი თარგმანი„; დაბადება 24:1–4; იგავნი 12:18; 16:24).
პირდაპირ შევხედოთ ქორწინებასთან დაკავშირებულ სიძნელეებს
4. ზოგჯერ რატომ წამოიჭრება ქორწინებაში უთანხმოება და დაძაბულობა?
4 კარგი საფუძველიც რომ ჰქონდეს ქორწინებას, მაინც იქნება უთანხმოების, წინააღმდეგობისა და დაძაბულობის ჟამი. ეს ყველა ადამიანისათვის არის დამახასიათებელი, სულ ერთია დაქორწინებულია ის თუ არა. ეკონომიკურმა ან ჯანმრთელობასთან დაკავშირებულმა პრობლემებმა შეიძლება გამოიწვიოს სიძნელეები ნებისმიერ ურთიერთდამოკიდებულებაში. განწყობილების შეცვლას შეუძლია ყველაზე უკეთეს ქორწინებაშიც კი გამოიწვიოს პიროვნებებს შორის უთანხმოება. კიდევ სხვა ფაქტორი — ეს ის არის, რომ არავის შეუძლია სრულყოფილად გაუწიოს კონტროლი საკუთარ ენას, როგორც იაკობმა თქვა: „ჩვენ ყველანი ბევრს ვცოდავთ. ვინც სიტყვით არ ცოდავს, სრულყოფილი ადამიანია. მას შეუძლია ალაგმოს მთელი სხეულიც. . . ენაც, პატარა ასოა და ბევრს ქადილობს. აი, რა პატარა ცეცხლი სწვავს დიდ ტყეს“ (იაკობი 3:2, 5).
5, 6. ა) რა არის საჭირო იმ დროს, როდესაც წამოიჭრება გაუგებრობა? ბ) რა უნდა გაკეთდეს იმისათვის, რომ ბოლო მოეღოს კამათს?
5 როგორ შეგვიძლია კონტროლი გავუწიოთ სიტუაციას, როდესაც დაქორწინებულებში წამოიჭრება სიძნელეები? როგორ შეგვიძლია გაუგებრობა არ გადავაქციოთ კამათში, ხოლო კამათი კი — ურთიერთობის დარღვევაში? აქ მოქმედებას იწყებს გონების აღმძვრელი ძალა. ამ აღმძვრელ სულს შეუძლია იყოს დადებითიც და უარყოფითიც, აღმშენებლურიც და სულიერად განწყობილიც, ან დამანგრეველი და ხორციელი სურვილებით შეპყრობილი. თუ იგი აღმშენებლობითია, მაშინ ადამიანი შეეცდება ბოლო მოუღოს ჩხუბს, შეირანჩუნოს კარგი ურთიერთობა ქორწინებაში. ჩხუბი და უთანხმოება არ უნდა ნიშნავდეს ქორწინების დასასრულს. გაუგებრობის მოგვარება და ურთიერთპატივისცემისა და ურთიერგაგების აღდგენა შეიძლება ბიბლიური რჩევა-დარიგების გამოყენებით (რომაელთა 14:19; ეფესელთა 4:23, 26,27).
6 პავლეს სიტყვები დროულია ასეთ სიტუაციისას: „ამიტომ, როგორც ღმერთის რჩეულები, წმიდანები და საყვარლები, შეიმოსეთ მოწყალებით, სახიერებით, თავმდაბლობით, სიმშვიდით, სულგრძელობით. შეიწყნარეთ ერთიმეორე და მიუტევეთ ერთმანეთს, თუ ვინმესთან რაიმე სადავო აქვს ვისმეს: როგორც ქრისტემ მოგიტევათ, ისევე თქვენც. და ყოველივე ამაზე მეტად — სიყვარულით, რომელიც სრულქმნილობის ერთობლიობაა“ (კოლასელთა 3:12–14).
7. ზოგიერთ ცოლ-ქმარს რა პრობლემა შეიძლება გააჩნდეთ?
7 ადვილია ამ სიტყვების წაკითხვა, მაგრამ ყოველთვის იოლი არ არის მათი გამოყენება თანამედროვე ცხოვრებაში. რაში უნდა მდგომარეობდეს მთავარი პრობლემა? ზოგჯერ ისე რომ, ეს არც კი აქვს შეგნებული, ქრისტიანს შეუძლია იცხოვროს გაორებული ნორმებით. ძმებს შორის იგი კეთილი და ყურადღებიანია სამეფო დარბაზში, მაგრამ შემდეგ, სახლში და ყოველდღიურ ცხოვრებაში, მას შეიძლება დაავიწყდეს თავისი სულიერი ურთიერთდამოკიდებულება. აქ ისინი მხოლოდ ცოლ-ქმარნი არიან. როდესაც თავს იჩენს სიძნელეები, მეუღლეთა წყვილიდან ერთ-ერთმა ბოლოს და ბოლოს შეიძლება უთხრას მეორეს არასასურველი სიტყვები, რომლებიც არასოდეს წარმოითქმებოდა სამეფო დარბაზში. მაშ, რა მოხდა? ქრისტიანული პიროვნება წამში გაქრა. ღმერთის მსახურს დაავიწყდა, რომ ის სახლშიც ძმად ან დად რჩება. გონების აღმძვრელი ძალა დადებითის ნაცვლად, უარყოფითი გახდა (იაკობი 1:22–25).
8. რა შეიძლება იყოს იმის შედეგი, რომ გონების აღმძვრელი ძალა არის უარყოფითი?
8 რა მოჰყვება ამას შედეგად? ქმარი შეიძლება აღარ „მოექცეს კეთილგონივრულად ცოლს, როგორც უუძლურეს ჭურჭელს“. ასევე, ცოლმაც შეიძლება მეტად აღარ დააფასოს თავისი ქმარი; ამ დროს დაკარგულია მისი „მორჩილი და მშვიდი სული“. ნაცვლად იმისა, რომ გონების აღმძვრელი ძალა იყოს სულიერი, გახდა ფიზიკური. „ხორციელმა გონებამ“ იმარჯვა. რა შეიძლება გავაკეთოთ, რომ გონების აღმძვრელი ეს ძალა შევინარჩუნოთ დადებითად და სულიერად? ჩვენ უნდა გავაძლიეროთ ჩვენი სულიერობა (1 პეტრე 3:1–4,7; კოლასელთა 2:18).
ძალების გამაგრება
9. ყოველდღიურად რა საკითხებთან დაკავშირებით უნდა გავაკეთოთ არჩევანი?
9 აღმძვრელი ძალა ეს არის გონებრივი მიდრეკილებები, რომლებიც მაშინ იწყებენ მოქმედებას, როცა უნდა მივიღოთ გადაწყვეტილებები და გავაკეთოთ არჩევანი. ცხოვრება მუდამ გვთავაზობს არჩევანის შესაძლებლობას — არჩევანს კარგსა და ცუდს, ეგოისტურსა და არაეგოისტურს, ზნეობრივსა და არაზნეობრივს შორის. რა დაგვეხმარება მივიღოთ სწორი გადაწყვეტილება? გონების აღმძვრელი ძალა, თუ ის მიმართულია იეჰოვას ნება-სურვილის შესასრულებლად. ფსალმუნმომღერალი ლოცულობდა: „მიჩვენე უფალო, გზა შენთა წესთა და დავიცავ ბოლომდე“ (ფსალმუნი 118:33; ეზეკიელი 18:31; რომაელთა 12:2).
10. როგორ შეგვიძლია დადებითი სახით განვამტკიცოთ ძალა, რომელიც აღძრავს ჩვენს გონებას?
10 იეჰოვასთან ძლიერი კავშირი დაგვეხმარება ვასიმოვნოთ მას და მოვერიდოთ ცუდს, მათ შორის ორგულობას ქორწინებაში. ისრაელი მოწოდებული იყო „ეკეთებინა სიკეთე და მათი ღმერთის, უფლის თვალში მოსაწონი“, გარდა ამისა, ღმერთი ასევე არიგებდა: „ღმერთის მოყვარულს, სძულს ბოროტება!“ ათიდან მეშვიდე მცნების შესაბამისად — „არ იმრუშო“ — ისრაელებს უნდა სძულებოდათ მრუშობა. ეს მცნება უჩვენებდა ღმერთის მკაცრ თვალსაზრისს ქორწინებაში ერთგულების შესახებ (მეორე რჯული 12:28; ფსალმუნი 96:10; გამოსვლა 20:14; ლევიანნი 20:10).
11. კიდევ როგორ შეგვიძლია ჩვენი გონების აღმძვრელი ძალის განმტკიცება?
11 კიდევ როგორ შეგვიძლია გონების აღმძვრელი ძალის განმტკიცება? სულიერი მოღვაწეობისა და ფასეულობებისადმი მადლიერებით. ეს იმას ნიშნავს, რომ ჩვენ რეგულარულად უნდა დავაკმაყოფილოთ ჩვენი მოთხოვნილება შევისწავლოთ ღმერთის სიტყვა და ვპოვოთ სიამოვნება იეჰოვას აზრებისა და დარიგებების ერთობლივად განხილვაში. ჩვენ უნდა გვქონდეს ისეთივე გულწრფელი გრძნობები, როგორც ფსალმუნმომღერალს: „მთელი გულით გეძებ შენ. ნუ გადამახვევინებ შენთა მცნებათაგან. გულში ჩავიმარხე შენი სიტყვები, რათა არ შევცოდო. მიჩვენე, უფალო, გზა შენთა წესთა და დავიცავ ბოლომდე. გამაგებინე და დავიცავ შენს სჯულს და შევინახავ მთელი გულით“ (ფსალმუნი 118:10, 11, 33, 34).
12. როგორ ფაქტორებს შეუძლია გაგვაერთიანოს ქრისტეს გონებასთან დაკავშირებით?
12 იეჰოვას სამრთლიანი პრინციპებისადმი ასეთი მადლიერება ძლიერდება არა მხოლოდ ბიბლიის შესწავლით, არამედ ასევე ქრისტიანთა კრების შეხვედრებზე რეგულარული დასწრებითა და ქრისტიანულ სამსახურში ერთობლივი მონაწილეობით. ამ ორ მნიშვნელოვან ფაქტორს შეუძლია მუდმივად გაამაგროს ჩვენი გონების აღმძვრელი ძალა, ისე რომ, ჩვენი უანგარო ცხოვრება არეკლავს იესოს გონებას (რომაელთა 15:5; 1 კორინთელთა 2:16).
13. ა) რატომ არის ლოცვა მნიშვნელოვანი ფაქტორი გონების აღმძვრელი ძალის განსამტკიცებლად? ბ) ამ მხრივ როგორი მაგალითი მოგვცა იესომ?
13 კიდევ ერთ ფაქტორს — წარმოადგენს ის, რაზეც ყურადღებას ამახვილებს პავლე მოციქული ეფესელებისადმი მიმართულ წერილში: „ყოველგვარი ლოცვით და ვედრებით ილოცეთ ყოველ ჟამს სულით და ამაზე მუდამ იფხიზლეთ ყოველგვარი მდგრადობით და ვედრებით ყველა წმიდანისათვის“ (ეფესელთა 6:18). მეუღლეთა წყვილებს აუცილებლად ესაჭიროებათ ილოცონ ერთად. ხშირად ასეთი ლოცვები ხსნის გულს და მივყავართ გულახდილი საუბრისაკენ, რომლებიც ბოლოს მოუღებს ნებისმიერ ჩხუბს. გამოცდებისა და ცდუნებების დროს ჩვენ უნდა ვევედროთ ღმერთს ლოცვაში, ვთხოვოთ დახმარება, სულიერი სიძლიერე, რათა მოვიქცეთ ქრისტეს გონების თანახმად. სრულყოფილი იესო ქრისტეც კი ხშირად მიმართავდა თავის მამას ლოცვით, როდესაც თხოვდა ძალას. მისი ლოცვები იყო გულწრფელი და ინტენსიური. ასევე ჩვენც, დღეს, გამოცდებისა და ცდუნებების ჟამს, შეგვიძლია შეგვემატოს ძალა სწორი გადაწყვეტილების მისაღებად, თუკი მოვუწოდებთ იეჰოვას დახმარებისათვის, წინააღუდგეთ ხორციელ სურვილს, რომ არ დავარღვიოთ ცოლ-ქმრული აღთქმა (ფსალმუნი 118:101, 102).
ქცევის საპირისპირო მაგალითები
14, 15. ა) როგორ რეაგირებდა იოსები ცდუნებაზე? ბ) რა დაეხმარა იოსებს წინაღდგომოდა ცდუნებას?
14 როგორ შეგვიძლია მტკიცედ გავუძლოთ ცდუნებას? ამ მხრივ ჩვენ ვიცით იმის შესახებ, თუ როგორ აშკარად განსხვავდება იოსების ქცევა დავითის მოქმედებისაგან. როცა პოტიფარის ცოლი დაჟინებით ცდილობდა ეცდუნებინა ლამაზი ჭაბუკი იოსები, რომელიც იმ დროს, როგორც ჩანს იყო უცოლო, იოსებმა ბოლოს და ბოლოს მას პასუხი გასცა შემდეგი სიტყვებით: „ჩემზე დიდი არავინ არის ამ სახლში, არაფერი აუკრძალავს ჩემთვის [შენს ქმარს] გარდა შენი თავისა, რადგან შენ ცოლი ხარ მისი. როგორ ჩავიდინო ეს დიდი ბოროტება და შევცოდო ღმერთს?“ (დაბადება 39:6-9).
15 რა დაეხმარა იოსებს დაეჭირა სწორი პოზიცია, როცა ადვილად შეიძლებოდა ცდუნებულიყო? მას ჰქონდა გონების აღმძვრელი ძლიერი ძალა. იოსებს ყოველთვის ახსოვდა, რომ ურთიერთობა ჰქონდა იეჰოვასთან. მან იცოდა, რომ ვნებით დაბრმავებულ ქალთან მრუშობა, მძიმე ცოდვის ჩადენა იქნებოდა არა მხოლოდ პოტიფარის წინაშე, არამედ, რაც ყველაზე მნიშვნელოვანია — ღმერთის მიმართაც (დაბადება 39:12).
16. როგორ რეაგირებდა დავითი ცდუნებაზე?
16 ამის საპირისპიროდ რა დაემართა დავითს? დავითი ცოლიანი კაცი იყო. ჰყავდა რამოდენიმე ცოლი, რაც რჯულით დაშვებული იყო. ერთხელ, საღამოს, მან თავისი სასახლიდან თვალი მოჰკრა წყალში მობანავე ქალს, ურიას ცოლს, მშვენიერ ბერშაბეყს. დავითს მოქმედების ნათელი არჩევანი ჰქონდა: ან განეგრძო ცქერა იმ დროს, როცა მის გულში იზრდებოდა ქალისადმი წადილი, ან შემობრუნებულიყო და უკუეგდო ცდუნება. რა აირჩია დავითმა? მან ბრძანა ქალის სასახლეში მოყვანა და ჩაიდინა მასთან მრუშობა. ყველაზე ცუდი კი ის იყო, რომ დავითი შორს წავიდა — მისი განკარგულებით მოკლული იქნა ბერშაბეყის ქმარი, ურია ხეთელი (2 მეფეთა 11:2–4, 12–27).
17. რა შეიძლება დავადგინოთ დავითის სულიერი მდგომარეობის შესახებ?
17 რაში მდგომარეობდა დავითის პრობლემა? მის მიერ სრული მონანიების აღიარებიდან, რომელიც გამოხატულია 50-ე ფსალმუნში, ჩვენ შეგვიძლია ზოგიერთი ფაქტის დადგენა. დავითმა თქვა: „სუფთა გული შეჰქმენი ჩემში ღმერთო, და წრფელი სული განაახლე ჩემს სხეულში“. გასაგებია, რომ ცდუნების შემთხვევაში მას არ ჰქონდა სუფთა და წრფელი გული. შესაძლოა იგი უარს ამბობდა წაეკითხა იეჰოვას რჯული, რის შედეგადაც მისი სულიერება დასუსტდა. ან მან შეიძლება ნება დართო თავის მდგომარეობას, როგორც მეფემ და მისმა ძალაუფლებამ შებღალა მისი აზროვნება ისე, რომ გახდა ავხორცი სურვილის მსხვერპლი. უსათუოდ, ამ დროს გონების აღმძვრელი ძალა იყო ეგოისტური და ცოდვილი. ამიტომ დავითმა შეიგნო აუცილებლობა ჰქონოდა „წრფელი სული“ (ფსალმუნი 50:12; მეორე რჯული 17:18–20).
18. მრუშობასთან დაკავშირებით როგორი რჩევა მოგვცა იესომ?
18 ზოგიერთი ქრისტიანული ოჯახი დაინგრა იმის გამო, რომ მეფე დავითის მსგავსად, ერთმა ან მეუღლეთა ორივე მხარემ თავს ნება დართო დაუძლურებულიყო სულიერად. დავითის მაგალითმა უნდა დაგვიცვას ჩვენ ვნებით არ შევხედოთ სხვა ქალს ან სხვა მამაკაცს, იმიტომ, რომ ეს შეიძლება მრუშობით დამთავრდეს. იესომ უჩვენა, რომ მას ესმის ადამიანური გრძნობების, ვინაიდან ამის შესახებ თქვა: „გსმენიათ, რომ თქმულა: არ იმრუშო. მე კი გეუბნებით, რომ ყოველი, ვინც დედაკაცს გულისთქმმით უყურებს, უკვე იმრუშა მასთან თავის გულში“. ასეთ შემთხვევაში გონების აღმძვრელი ძალა, სულიერი კი არ არის, არამედ ეგოისტურია და ხორციელი. რის გაკეთება შეუძლიათ ქრისტიანებს იმისათვის, რომ გაექცნენ მრუშობას და შეინახონ თავიანთი ქორწინება ბედნიერად და კმაყოფილების მომგვრელად? (მათე 5:27, 28).
განამტკიცე ცოლ-ქმრული კვანძები
19. როგორ შეიძლება ქორწინების განმტკიცება?
19 მეფე სოლომონი წერდა: „თუ ერთს დასძლევს ვინმე, ორი ხომ გაუმკლავდება, მალე არ გაწყდება სამმაგი ძაფი“. რასაკვირველია, ჰარმონიულ ქორწინებაში ორი უკეთ გაუმკლავდება უბედურებას, ვიდრე ერთი. მაგრამ თუ მათი კავშირები მსგავსია სამმაგი ძაფისა იმიტომ, რომ მათთან კავშირშია ღმერთი, ქორწინება იქნება მტკიცე. როგორ შეუძლია ღმერთს იყოს მათთან ერთად მათ ქორწინებაში? ეს ასე იქნება, თუ მეუღლეთა წყვილი ქორწინებასთან დაკავშირებით იყენებს მის პრინციპებსა და რჩევებს (ეკლესიასტე 4:12).
20. რომელი ბიბლიური რჩევა-დარიგებები დაეხმარება ქმარს?
20 თუ ქმარი გამოიყენებს შემდეგ მუხლებში გამოთქმულ რჩევა-დარიგებებს, მაშინ მის ქორწინებას უკეთესი საფუძველი ექნება წარამტებისათვის:
„თქვენც, ქმრებო, გონივრულად მოეკიდეთ ცოლებს, როგორც უუძლურეს ჭურჭელს, პატივი ეცით,როგორც სიცოცხლის მადლის თანამემკვიდრეებს, რათა ლოცვა არ დაგიბრკოლდეთ“ (1 პეტრე 3:7).
„მამაკაცებო, გიყვარდეთ თქვენი ცოლები, ისევე, როგორც ქრისტემ შეიყვარა ეკლესია და თავი გასწირა მისთვის. ისე უნდა უყვარდეთ მამაკაცებს თავიანთი ცოლები, როგორც საკუთარი სხეულები. ვისაც თავისი ცოლი უყვარს, მას საკუთარი თავი უყვარს“ (ეფესელთა 5:25, 28).
„დგება მისი ქმარი — და აქებს მას. მრავალმა ასულმა გამოიჩინა მხნეობა, მაგრამ შენ გადაამეტე ყველას“ (იგავნი 31:28, 29).
„თუ გაივლის კაცი ნაკვერჩხლებზე ფეხების დაუწველად? ასევე, არავინ დარჩება დაუსჯელი, ვინც კი მივა ახლობლის ცოლთან და მიეკარება მას. ვინც მრუშობს. . . თავისი სულის წარსაწყმედელად აქცევს მას“ (იგავნი 6:28, 29,32).
21. რომელი ბიბლიური რჩევები დაეხმარება ცოლს?
21 თუ ცოლი ყურადღებას უთმობს შემდეგ ბიბლიურ პრინციპებს, მაშინ ეს ხელს შეუწყობს ქორწინების სიმტკიცეს:
„თქვენც, ცოლებო, დაემორჩილეთ თქვენს ქმრებს, რათა ისინი, ვინც არ ემორჩილებიან სიტყვას, უსიტყვოდ იყვნენ შეძენილნი ცოლების ქცევით, იხილავენ რა თქვენს სუფთა ქცევას მოშიშობით და [თქვენს] მშვიდ და წყნარ სულს“ (1 პეტრე 3:1–4).
„ქმარმა ჯეროვანი [სექსუალური] პატივი სცეს ცოლს, ასევე ცოლმაც ქმარს. . . ნუ განშორდებით ერთმანეთს, გარდა შეთანხმებისა, დროებით“ (1 კორინთელთა 7:3–5).
22. ა) კიდევ რომელ ფაქტორებს შეუძლიათ კარგად იმოქმედონ ქორწინებაზე? ბ) რას ფიქრობს იეჰოვა განქორწინებაზე?
22 ბიბლია ასევე გვიჩვენებს, რომ სიყვარული, სიკეთე, თანაგრძნობა, მოთმინება, გაგება, გამხნევება და შექება წარმოადგენს ქორწინების — ამ ძვირფასი მოწყობილობის არსებით წახნაგებს. ამათ გარეშე ქორწინება დაემსგავსება მცენარეს, რომელსაც წყლის სიუხვე და მზის მცხუნვარება აკლია. ასეთი მცენარე იშვიათად ჰყვავის. ამიტომ, დაე, გონების აღმძვრელი ძალა, გვამოძრავებდეს ჩვენ ისე, რომ გავამხნევოთ და გავახალისოთ ერთმანეთი ქორწინებაში. გახსოვდეს, რომ იეჰოვას „სძულს განქორწინება“. თუ მჟღავნდება ქრისტიანული სიყვარული, მაშინ ადგილი არ ექნება ალბათობას ჩადენილი იქნეს მრუშობა და დაირღვეს ქორწინება. რატომ? იმიტომ, რომ „სიყვარული არასოდეს მთავრდება“ (მალაქია 2:16, აე; 1 კორინთელთა 13:4–8; ეფესელთა 5:3–5).
შეგიძლია თუ არა ახსნა?
◻ რა წარმოადგენს ბედნიერი ქორწინების საფუძველს?
◻ როგორ შეუძლია გონების აღმძვრელ ძალას იმოქმედოს ქორწინებაზე?
◻ რა შეგვიძლია გავაკეთოთ იმისათვის, რომ გავამაგროთ ჩვენი გონების აღმძვრელი ძალა?
◻ როგორ განსხვავდება იოსების რეაქცია ცდუნებაზე, დავითის რეაქციისაგან?
◻ რომელი ბიბლიური რჩევები დაეხმარება ქმრებსა და ცოლებს გაამაგრონ ცოლ-ქმრული კვანძები?
[სურათები 18 გვერდზე]
ვცხოვრობთ თუ არა ჩვენ ორმაგი ნორმით: კრებაში კეთილები ვართ, სახლში კი — უხეშნი?