18. როგორ ეხმარებოდნენ ერთმანეთს იერუსალიმში თანაქრისტიანები?

¹⁸ იერუსალიმში ახლად ჩამოყალიბებული კრება სწრაფად გაიზარდა, მასში 5 000-ზე მეტი მოწაფე იყო.d მართალია, ისინი ერთმანეთისგან წარმოშობით, განათლებითა თუ სოციალური მდგომარეობით განსხვავდებოდნენ, მაგრამ „ერთ მუშტად [იყვნენ] შეკრული“ — გაერთიანებულნი გონებითა და აზრით (საქ. 4:32; 1 კორ. 1:10). მარტო ლოცვით არ შემოფარგლულან, მოწაფეები ერთმანეთს სულიერად აძლიერებდნენ და, საჭიროების შემთხვევაში, მატერიალურადაც ეხმარებოდნენ (1 იოან. 3:16—18). მაგალითად, იოსებმა, რომელსაც მოციქულებმა ბარნაბა შეარქვეს, მიწის ნაკვეთი გაყიდა და აღებული ფული შორეული ქვეყნებიდან ჩასული ძმების დასახმარებლად გაიღო (თავისთვის არაფერი დაუტოვებია), რათა ახალშეძენილი რწმენის განსამტკიცებლად იერუსალიმში დარჩენა შეძლებოდათ.