ტიქიკე

[ნაწარმოებია ფუძიდან, რომელიც ნიშნავს წარმატებას]

პავლეს ერთ-ერთი დამხმარე, რომელიც აზიის პროვინციიდან იყო. პავლე მასზე წერს: „საყვარელი ძმა და ერთგული მსახური, ჩვენნაირივე მონა უფალში“ (კლ. 4:7). ტიქიკე თან ახლდა პავლეს, როცა იგი საბერძნეთიდან მცირე აზიაში მაკედონიის გავლით ბრუნდებოდა, თუმცა ჩავიდა თუ არა იგი პავლესთან ერთად იერუსალიმში, უცნობია (სქ. 20:2—4). შესაძლოა ტიქიკე იყოს პავლეს მიერ მოხსენიებული ძმა, რომელიც ტიტეს მხარში ამოუდგა, იუდეაში მცხოვრები თანაქრისტიანებისთვის საბერძნეთში დახმარება რომ შეეგროვებინა (2კრ. 8:18, 19; 12:18). რომში პატიმრობისას პავლემ ტიქიკეს ხელით გაუგზავნა ეფესოს და კოლოსეს კრებებს წერილები, სადაც წერდა, რომ ტიქიკე მათ მეტს მოუყვებოდა მისი მდგომარეობის შესახებ და ანუგეშებდა. კოლოსელებისთვის მიწერილ წერილში აღნიშნულია, რომ ტიქიკესთან ერთად მათთან ონისიმეც ჩავიდოდა (ეფ. 6:21, 22; კლ. 4:7—9). გათავისუფლების შემდეგ პავლემ გადაწყვიტა, რომ კრეტაზე ან არტემა გაეგზავნა, ან ტიქიკე (ტიტ. 3:12). როცა მოციქული რომში მეორედ დააპატიმრეს, მან ტიქიკე ეფესოში გაგზავნა (2ტმ. 4:12).