სპილენძის შემცველი სპირალი: როგორც ზემოთ აღვნიშნეთ, სპირალი ხელს უშლის სპერმის საშვილოსნოში მოხვედრას და კვერცხუჯრედამდე მიღწევას. გარდა ამისა, სპილენძი სპერმისთვის ტოქსიკური აგენტია და მას შეუძლია სხვა ისეთი ზემოქმედების მოხდენაც, რომელიც არღვევს ჩასახვის პროცესს.a უფრო მეტიც, სპილენძის შემცველი სპირალი ცვლის საშვილოსნოს ამომფენი გარსის სტრუქტურას.

ამგვარად, დანამდვილებით შეუძლებელია იმის თქმა, რომ ორივე სახეობის — სპილენძისა თუ ჰორმონალური სპირალის ჩადგმის შემთხვევაში არასდროს მოხდება კვერცხუჯრედის განაყოფიერება. მეცნიერულმა კვლევებმა ცხადყო, რომ ზემოთ განხილული ფაქტორების გამო სპირალის ჩადგმის შემდეგ მხოლოდ იშვიათ შემთხვევაში ხდება დაფეხმძიმება.