● ბარუქი ოხრავდა: ‘ვაგლახ მე! კიდევ მიუსართა უფალმა წუხილი ჩემს სატანჯველს! ქანცი გამიწყდა კვნესისგან და ვერ ვპოვე შვება’ (იერემია 45:3).

ბარუქი, წინასწარმეტყველ იერემიას მდივანი, ოხრავდა, რადგან ემოციური თვალსაზრისით ძალიან რთული საქმის შესრულება ჰქონდა დავალებული. მაგრამ იეჰოვამ გულთბილად მიაპყრობინა ყურადღება სინამდვილეზე. „შენ კი დიდ რასმე მოითხოვ! ნუ მოითხოვ, რადგან აჰა, უბედურება უნდა დავათიო ყოველ ხორციელს, ამბობს უფალი, შენ კი საკუთარ სიცოცხლეს მოგცემ ნადავლად ყველგან, სადაც კი წახვალ“ (იერემია 45:2—5).

იეჰოვამ გულახდილად აუხსნა ბარუქს, რომ მას გულგატეხილობა პირადი ეგოისტური მისწრაფებების გამო დაეუფლა. ბარუქი სიხარულით ვერ ასრულებდა ღვთისგან დაკისრებულ დავალებას, მაშინ როცა თავად დიდ რამეებს ითხოვდა. შეიძლება შენც ამჩნევ, რომ, თუ გულგატეხილობასთან გასამკლავებლად ნამდვილად სწორად მოიქცევი, თავიდან აირიდებ სხვადასხვა ხელშემშლელ მიზეზს და სულის სიმშვიდით შეიმოსები, რაც ღვთისმოსაწონი კმაყოფილებით მიიღწევა (ფილიპელთა 4:6, 7).