განცხადებები

◼ გასავრცელებელი ლიტერატურა მაისში: ჟურნალები „საგუშაგო კოშკი“ და „გამოიღვიძეთ!“. დაინტერესებული პირებისთვის თან გქონდეს ბროშურა „რას მოითხოვს“ და ეცადე, დაიწყო ბიბლიის საშინაო შესწავლები. ივნისში: ბროშურა „რას მოითხოვს ღმერთი ჩვენგან?“. ეცადე, დაიწყო ბიბლიის საშინაო შესწავლები. ივლისსა და აგვისტოში: ნებისმიერი შემდეგი 32-გვერდიანი ბროშურებიდან: „მარადიულად იხარე სიცოცხლით დედამიწაზე!“, „მთავრობა, რომელიც დაამყარებს სამოთხეს“, „ნამდვილად ზრუნავს თუ არა ღმერთი ჩვენზე?“, „რა არის სიცოცხლის აზრი — როგორ შეგიძლია მისი პოვნა?“, „რა ხდება სიკვდილის შემდეგ?“, „როდესაც გიკვდება საყვარელი ადამიანი. . .“ და „უნდა გწამდეს სამება?“. სადაც მართებულია, შეგიძლიათ შესთავაზოთ ბროშურა „წიგნი ყველასთვის“.

◼ თავმჯდომარე ზედამხედველმა ან მის მიერ დანიშნულმა ძმამ უნდა შეამოწმოს კრების საფინანსო ანგარიშები 1 ივნისს ან ამ თარიღიდან რაც შეიძლება მალე. მომდევნო საფინანსო ანგარიშის წაკითხვის შემდეგ კრებაში განცხადება უნდა გაკეთდეს ჩატარებული შემოწმების შესახებ.

◼ ახალი პუბლიკაციები:

„ქრისტიანულ-ბერძნული წერილების ახალი ქვეყნიერების თარგმანი“ (bi7) — არაბული

„გადარჩება კი ეს ქვეყნიერება?“ (T-19) — მოკშა

◼ ახალი აუდიოკასეტები:

„დავაფასოთ ჩვენი სულიერი მემკიდრეობა“ (დრამა; csoh, ნივთი №1812) — გერმანული, ინგლისური

„როდესაც გიკვდება საყვარელი ადამიანი. . .“ (cswe, ნივთი №1037) — გერმანული

სამსახურებრივი ანგარიში დეკემბერი, 1999

საშუალო მაჩვენებლები

განმ. ბიბლ.

მაუწყ. სთ. ჟურ. მონახ. შესწ.

სპეც. პიონ. 6 144,2 28,2 43,7 6,2

პიონერები 1439 64,0 24,9 15,3 2,1

დამხ. პიონ. 431 55,3 25,2 10,9 1,1

მაუწყ. 11794 8,5 5,3 1,9 0,2

სულ: 13670 მოინათლა: 196

შეკითხვების ყუთი

◼ როგორ შეუძლიათ მომსახურეებს, დაეხმარონ მშობლებს, რომ მათი შვილები სათანადოდ იქცეოდნენ შეხვედრების დროს?

ბავშვები, ჩვეულებრივ, ენერგიულები არიან და შეჩვეული არ არიან დიდხანს ჯდომას. შეხვედრის შემდეგ ბავშვებს უჩნდებათ ენერგიის გამოთავისუფლების სურვილი, რამაც შეიძლება აიძულოს ისინი, ირბინონ და ერთმანეთს სდიონ სამეფო დარბაზში ან შეხვედრისთვის განკუთვნილ სხვა ადგილას, აგრეთვე ავტოსადგომებზე ან ტროტუარებზე. მაგრამ იგავნში სწორად არის ნათქვამი, რომ ‘მიშვებული ყმაწვილი მშობლის შემარცხვენელია’ (იგავ. 29:15).

სამწუხაროდ, ზოგი ჩვენი ხანდაზმული და-ძმა სერიოზულად დასახიჩრდა, როცა ბავშვები სირბილის დროს დაეჯახნენ მათ და წააქციეს. ამას მოჰყვა არასასიამოვნო ტანჯვა და ზედმეტი ხარჯები, რომელთა გაღებაც მშობლებსა და კრებას მოუწიათ. როგორც მათი, ისე სხვების უსაფრთხოებისთვის, ბავშვებს უნდა აეკრძალოთ სირბილი და თამაში სამეფო დარბაზსა და მის გარეთ.

მშობლებს აკისრიათ ბიბლიური პასუხისმგებლობა, ასწავლონ თავიანთ შვილებს, სათანადო პატივისცემით მოეპყრონ თაყვანისცემის ადგილებს (ეკლ. 4:17ა). ჩვენს ქრისტიანულ შეხვედრებზე, დიდ და პატარა კონგრესებზე დანიშნული არიან მომსახურეები, რათა ყურადღება მიაქციონ, რომ „ყველაფერი შესაფერისად ხდებოდეს“ და „წესიერება“ შენარჩუნდეს (1 კორ. 14:40; კოლ. 2:5). ისინი ფხიზლად უნდა იყვნენ პროგრამის დაწყებამდე, მისი მსვლელობისას და დამთავრებისას, როგორც დარბაზის შიგნით, ისე მის გარეთაც. თუ ბავშვი დარბის ან უმართავი ხდება, მომსახურეს შეუძლია თავაზიანად გააჩეროს და აუხსნას, რატომ არის უადგილო ასეთი მოქმედება. ბავშვის მშობელსაც თავაზიანად უნდა უთხრას წამოჭრილი პრობლემისა და ბავშვისთვის თვალყურის დევნების საჭიროების შესახებ. მშობელი სათანადოდ უნდა გამოეხმაუროს ამას.

გასაგებია, რომ ზოგჯერ შეხვედრების დროს ჩვილი ან პატარა ბავშვი შეიძლება ატირდეს ან ხელი შეუშალოს სხვებს. მომსახურეები, რომლებიც პროგრამის დაწყებამდე სულ მცირე 20 წუთით ადრე მოვლენ, ბოლო რამდენიმე რიგს დაიკავებენ იმ მშობლებისთვის, რომლებიც პატარა ბავშვებით მოდიან. დანარჩენებმა უნდა ვითანამშრომლოთ მათთან და არ დავსხდეთ ამ ადგილებზე.

თუ ბავშვი ხმაურობს, მშობელმა რაღაც უნდა იღონოს. თუ მშობელი არაფერს აკეთებს და ხმაური სხვებს უშლის ხელს, მომსახურემ თავაზიანად უნდა სთხოვოს მშობელს, გაიყვანოს თავისი შვილი დარბაზიდან. როცა შეხვედრებზე ვიწვევთ ახლებს და ისინი პატარა ბავშვებით მოდიან, მათთან ერთად უნდა დავსხდეთ და დახმარება გავუწიოთ, თუ მათი ბავშვები ტირიან ან სხვაგვარად უშლიან ხელს სხვებს.

სასიხარულოა, როცა ვხედავთ სამეფო დარბაზში ყველანაირი ასაკის ბავშვებს და მათ კარგ ყოფაქცევას ღვთის სახლში (1 ტიმ. 3:15). იმით, რომ პატივს სცემენ იეჰოვას თაყვანისმცემლობისთვის განკუთვნილ ღონისძიებებს, ისინი პატივს მიაგებენ ღმერთს და მათ მთელი კრება აფასებს.