როგორ გამოვიყენოთ საუკეთესოდ პუბლიკაცია „ჩემი წიგნი ბიბლიური მოთხრობებით“
1 იეჰოვა უხვად გვაძლევს მშვენიერ სულიერ საზრდოს. მის მნიშვნელოვან ნაწილს შეადგენს სხვადასხვა წიგნები, რომლებიც ბოლო წლებში გამოიცა. დეკემბერში ჩვენ შევთავაზებთ პუბლიკაციას სახელწოდებით: „ჩემი წიგნი ბიბლიური მოთხრობებით“. კარგი იქნებოდა, თვალი გადაგვევლო შინაარსისთვის და ამოგვერჩია ზოგი აზრი ჩვენს შეთავაზებებში გამოსაყენებლად.
2 როგორ გამოვიყენოთ საუკეთესოდ ეს პუბლიკაცია? წიგნში არის მრავალი ისეთი რამ, რაც ყურადღებას იპყრობს და გულს ეხება: ქრონოლოგიური თანმიმდევრობა, მრავალი ილუსტრაცია, მოკლე მოთხრობები, აგრეთვე ის შედგენილია თვითმასწავლებლურ სტილში. შეგვიძლია, გამოვიყენოთ ამ წიგნის ეს თავისებურებები, რათა სხვებს დავეხმაროთ. შეგიძლია, ის ნებისმიერ მოსახერხებელ შემთხვევაში შესთავაზო ადამიანებს? ზოგმა მოსწავლემ სკოლაში წაიღო ეს წიგნი, რომ თანაკლასელებში გაევრცელებინა. გამოჩნდნენ ისეთი მასწავლებლებიც, რომლებმაც აიღეს ეს წიგნი და მოგვიანებით ზოგმა მათგანმა ამ წიგნის კითხვა თავისი მოსწავლეებისთვის დაიწყო. უბრალოდ, მეგობრებისა და მეზობლებისთვის ჩვენების შემდეგ, მრავალი წიგნი გავრცელდა. არც ისე ცოტა გავრცელდა, როგორც საჩუქარი ნათესავებსა და თანამშრომლებში. ერთმა ძმამ არაერთხელ დაიწყო ბიბლიაზე საუბარი ამ წიგნის სხვებისთვის შესამჩნევად ხელში დაჭერითა და საზოგადო ტრანსპორტში კითხვით.
3 როდესაც შენს ტერიტორიებში ქადაგებ, შეგიძლია თქვა: «მე არც ისე შორს ვცხოვრობ თქვენგან; მსურს, გაგიზიაროთ კარგი ამბავი, რომ მალე მთელ დედამიწაზე იქნება მშვიდობა. ჩვენ ყველას გვსურს სიმშვიდეში ცხოვრება, არა? [გააკეთე პაუზა, რომ ადამიანმა აზრი გამოხატოს]. ყველანი ვხედავთ, თუ რამდენ ძალისხმევას ახმარენ ადამიანები მშვიდობის მისაღწევად. მაგრამ ყურადღება მიაქციეთ, თუ ბიბლიის თანახმად, ვინ მოიტანს მუდმივ მშვიდობას? [ამოიკითხე ფსალმუნი 45:9, 10]. როდესაც შეწყდება ომები და მეტად აღარ იქნებიან მისი გამჩაღებლები, ღმერთი იზრუნებს, რომ შემდეგაც აღარ იყოს მტრობა დედამიწაზე. ამაში ჩვენ ფსალმუნმომღერალი გვარწმუნებს ფსალმუნის 71:2-ის სიტყვებით [ამოიკითხე]. ღმერთი მათ გადაარჩენს მშვიდობიან დედამიწაზე საცხოვრებლად, ვინც შეიცნობს მას და ემსახურება. პუბლიკაცია „ჩემი წიგნი ბიბლიური მოთხრობებით“ მრავალ ადამიანს ეხმარება, შეესაბამებოდნენ მის ნორმებს. დარწმუნებული ვარ, რომ თქვენ დიდ სარგებლობას მიიღებთ მისგან».
4 ან შეგიძლია თქვა: «ჩვენ ვსაუბრობთ იმაზე, რასაც ნამდვილად აფასებს მრავალი ადამიანი. საუბარი შეეხება ამ მშვენიერ პუბლიკაციას „ჩემი წიგნი ბიბლიური მოთხრობებით“. შეიძლება თქვენ დაგისვამთ მსგავსი კითხვები საკუთარი თავისთვის». ყურადღება მიაქციე პირველ ნაწილს და ამოიკითხე პირველი აბზაცი ქვესათაურიდან „შემოქმედებიდან წარღვნამდე“. ამის შემდეგ ყურადღება მიაქციე პირველი და მეორე მოთხრობის ილუსტრაციებს მომდევნო გვერდებზე და კომენტარი გაუკეთე.
5 თუ უფროსი ასაკის ადამიანებს შეხვდი და აინტერესებთ სხვა საკითხები, შეგეძლო გამოგეყენებინა ბროშურა „ნამდვილად ზრუნავს თუ არა ღმერთი ჩვენზე?“ თუ ასეა, შეგიძლია თქვა შემდეგი: «მრავალი ადამიანი იძლევა შეკითხვას, რატომ უშვებს ღმერთი ამდენ ტანჯვა-წამებას. თუ ის ყოვლისშემძლეა, რატომ არაფერს აკეთებს ჩვენი უბედურებების ჩამოსაშორებლად? რას ფიქრობთ ამის შესახებ? [დააცადე გიპასუხოს]. ბიბლია გვარწმუნებს, რომ ღმერთი არ დაგვტოვებს». გადაშალე 27-ე გვერდზე და 22-ე აბზაცში ამოიკითხე ფსალმუნის 36:11, 29. ყურადღება მიაპყრე ილუსტრაციას, რომელზეც აღბეჭდილია ის, რასაც შეგვიძლია მოველოდეთ. თუ აიღებს ბროშურას, უთხარი, რომ შეგიძლია კვლავ მიხვიდე, რათა აჩვენო, როგორ შეიძლება მისი გამოყენება ბიბლიის შესწავლის დროს.
6 ჩვენმა ლიტერატურამ ათასობით ადამიანი აღძრა, გულდასმით გამოეკვლია ბიბლია. მიღებულმა ცოდნამ კი ბედნიერი მომავლის იმედი ჩაუნერგა (ფსალმ. 145:5). დიდებული უპირატესობა გვაქვს ასეთი ადამიანების დასახმარებლად.