სამეფო დარბაზების საერთაშორისო მშენებლობა
1 დღეს მთელ მსოფლიოში სამეფო დარბაზების მშენებლობის მზარდი მოთხოვნილებაა. მხოლოდ გასულ სამსახურებრივ წელს 3 288 ახალი კრება ჩამოყალიბდა. ამ კრებებიდან მრავალი აფრიკაში, აზიაში, ცენტრალურ და სამხრეთ ამერიკასა და აღმოსავლეთ ევროპაშია.
2 „ჩვენი სამეფო მსახურების“ სამ ნომერში გამოქვეყნებული იყო აფრიკაში, აღმოსავლეთ ევროპასა და ლათინურ ამერიკაში უკვე აშენებული სამეფო დარბაზების სურათები. მაგრამ ანგარიშებიდან ვგებულობთ, რომ ერთი ქვეყნის 568 კრებას მხოლოდ ერთი სამეფო დარბაზი აქვს. სხვა სახელმწიფოში 129 კრებაზე ერთი სამეფო დარბაზი მოდის. კიდევ სხვაგან ერთი სამეფო დარბაზი 41 კრებაზეა. კიდევ რამდენიმე სხვა ქვეყანაში 1 000-ზე მეტი კრება საერთო ჯამში ვერ აშენებს ერთ სამეფო დარბაზსაც კი. ეს ეკონომიკური სიდუხჭირის მიზეზია. მიუხედავად იმისა, რომ უკვე ბევრი გაკეთდა, მოთხოვნილება ძალაში რჩება. ჩვენ დარწმუნებული ვართ, რომ მთელი მსოფლიოს კრებები დიდი სიხარულით დაეხმარებიან მრავალ ასეთ კრებას სხვა ქვეყნებში, ჰქონდეთ გამოსადეგი სამეფო დარბაზები.
3 ეს მე-2 კორინთელთა 8:14-თან თანხმობაშია, სადაც ნათქვამია: „თქვენი ნამეტი შეავსებს მათს ნაკლულობას“. მრავალ ქვეყანას სამეფო დარბაზების საკუთარი ფონდი აქვს, მაგრამ მათი ეკონომიკური მდგომარეობა ადგილობრივ ძმებს არ აძლევს საშუალებას, იზრუნონ სამეფო დარბაზების მშენებლობაზე. მაგრამ სხვა ქვეყნებიდან ძმების დახმარებით საზოგადოებამ 75 სხვადასხვა ქვეყანაში მხოლოდ ოთხი თვის განმავლობაში შეძლო ხელი შეეწყო 413 ახალი დარბაზის მშენებლობისა და სხვა 727-ის განახლებისთვის. ჩვენ დიდად ვხარობთ, როცა უფრო მეტი სამეფო დარბაზი შენდება მთელ მსოფლიოში იეჰოვას განსადიდებლად (ფსალმ. 101:17; ანგ. 1:7, 8).