იეჰოვას მოწმეთა 2004 წლის საოლქო კონგრესი „იარეთ ღმერთთან“

¹ რატომ არის შენთვის განსაკუთრებით საინტერესო ყოველწლიურ საოლქო კონგრესებზე დასწრება? შეიძლება ამის მიზეზი ის არის, რომ „ერთგული და გონიერი მონის“ მიერ მომზადებული გამამხნევებელი მოხსენებების მოსმენისა და დრამის ნახვის შესაძლებლობა გეძლევა (მათ. 24:45—47). იქნებ შენთვის ყველაზე საინტერესოა დროული სულიერი საზრდოს შემცველი ახალი პუბლიკაციების მიღება ან იმ და-ძმებისგან აღებული ინტერვიუების მოსმენა, რომლებიც გვიყვებიან, რა დადებითი გავლენა მოახდინა ბიბლიამ მათ ცხოვრებაზე. განსაკუთრებით სამქადაგებლო საქმიანობის წინსვლის შესახებ სხვა ქვეყნებიდან მოწოდებული ცნობები ხომ არ გაინტერესებს? ან შეიძლება დიდ სიამოვნებას ყველა ასაკის თანამორწმუნეებთან ურთიერთობა განიჭებს. დიახ, სწორედ ამ და ბევრი სხვა მიზეზის გამო მოუთმენლად ველით ჩვენს კონგრესებს!

² დაესწარი კონგრესის სამივე დღის პროგრამას: იეჰოვამ ისრაელ ერთან დაკავშირებით მოსეს ასეთი მითითება მისცა: „შეკრიბე ხალხი . . . რომ გაიგონონ და ისწავლონ“ (რჯლ. 31:12). „ერთგული და გონიერი მონის“ კლასის საშუალებით იეჰოვამ კონგრესის თითოეული დღისთვის განსაკუთრებული პროგრამა მოგვიმზადა. რადგან იეჰოვა ‘ჩვენ სასიკეთოდ გვმოძღვრავს’, არ გვსურს, რომ რაიმე გამოვტოვოთ მისი სწავლებიდან (ეს. 48:17, აქ). თუ კონგრესზე დასასწრებად სამსახურიდან დათხოვნა გჭირდება, ნეემიას მსგავსად გაბედულება გამოავლინე — ლოცვით მიმართე იეჰოვას და შემდეგ დამსაქმებელს დაელაპარაკე (ნეემ. 1:11; 2:4). გარდა ამისა, სიყვარულის მაჩვენებელი იქნება, თუ ოჯახის ურწმუნო წევრებს რაც შეიძლება მალე შეატყობინებ შენს გეგმებს კონგრესზე დასწრებასთან დაკავშირებით.

³ დაბინავება: თითოეულ ქალაქში, სადაც კონგრესი ტარდება, ადგილობრივი დაბინავების განყოფილებები ზრუნავენ, რომ დელაგატები კარგ საცხოვრებელ პირობებში განათავსონ. სამსახურებრივ შეხვედრაზე ამ დანართის განხილვის შემდეგ, კრების საინფორმაციო დაფაზე უნდა გამოიკრას „შემოთავაზებული დასაბინავებელი ადგილების სია“. სპეციალურად იმ მაუწყებლებისთვის, რომელთა ფინანსური შესაძლებლობებიც შეზღუდულია, დაბინავების განყოფილება მოლაპარაკებებს აწარმოებს საერთო საცხოვრებლებსა თუ სხვა შენობებში იაფი ადგილების დასაქირავებლად. თუმცა ასეთი საცხოვრებლები იაფი ჯდება, ჩვეულებრივ, იქ არ არის კარგად დასვენების, ტანსაცმლის წესრიგში მოყვანისა და შხაპის მიღების საშუალება. მაშინაც კი, თუ უკვე გიცხოვრია ასეთ პირობებში, ხომ არ ღირდა, კიდევ ერთხელ გადაგეხედა საკუთარი ფინანსური შესაძლებლობებისთვის? მრავალი ოჯახი თუ ცალკეული მაუწყებელი წლის განმავლობაში ყოველთვიურად გარკვეულ თანხას გადადებს იმ მიზნით, რომ კონგრესის დროს სასტუმროში იქირაონ ოთახი (შეადარეთ 1 კორინთელთა 16:2). ამგვარად, მათ კარგად დასვენებისა და სისუფთავის შენარჩუნების შესაძლებლობა ეძლევათ. საცხოვრებელი პირობები მნიშვნელოვანია, რადგან მასზე ბევრად არის დამოკიდებული, თუ როგორ მოვისმენთ კონგრესზე სულიერ საზრდოს და ვისიამოვნებთ და-ძმებთან ურთიერთობით.

⁴ როდესაც დელეგატები თანამშრომლობენ ადგილობრივ ძმებთან, ფილიალის დახმარებით ამ ძმებს შესაძლებლობა ეძლევათ, მოელაპარაკონ სასტუმროების ადმინისტრაციას შეღავათიან ფასებზე. ამიტომ, მხოლოდ სიაში მოცემული სასტუმროების ნომრები დაჯავშნე და მხოლოდ შემოთავაზებულ ფასებში. ასეთ შემთხვევაში ძმებს ყოველ წელს მიეცემათ შესაძლებლობა, რომ შეღავათიან ფასებში დაჯავშნონ ოთახები კარგ სასტუმროებში, რომლებიც ახლოს იქნება კონგრესის ჩასატარებელი ადგილიდან. გასათვალისწინებელია ისიც, რომ შედარებით შორს მდებარე სასტუმროებშიც ძალიან კარგი საცხოვრებელი პირობებია. ნომრის დაჯავშნამდე გადახედე მე-4 გვერდზე მოცემულ ჩარჩოს, „ითანამშრომლე დაბინავების განყოფილებასთან“. ასევე კარგი იქნება, თუ გაითვალისწინებ მითითებებს ჩარჩოდან „როგორ დავჯავშნოთ ნომერი სასტუმროში?“

⁵ განსაკუთრებული საჭიროების მქონე პირებზე ზრუნვა: პავლე მოციქულმა გალატელების კრებას შეახსენა: „კეთილი ვუყოთ ყველას, და მით უმეტეს ჩვენს თანამორწმუნეთ“ (გალ. 6:10, სსგ). შეიძლება ხანდაზმულმა ან ინვალიდმა და-ძმებმა, მარტოხელა მშობლებმა ან სრული დროით მსახურებმა ვერ გვთხოვონ დახმარება, მაშინ როდესაც კონგრესზე დასასწრებად მათ სირთულეების გადალახვა უწევთ. შეგიძლია ‘სიკეთე გაუკეთო’ მათ და დახმარება შესთავაზო? ასეთ და-ძმებზე განსაკუთრებით მათმა ქრისტიანმა ნათესავებმა და უხუცესებმა უნდა იზრუნონ.

⁶ თუ მაუწყებელი შეავსებს ბლანკს, რომელიც განსაკუთრებული საჭიროებების მქონეთა დაბინავებას ეხება, კრების სამსახურებრივი კომიტეტი განიხილავს ამ ბლანკს მასში მოცემული მითითებების მიყოლით. სამსახურებრივმა კომიტეტმა უნდა განსაზღვროს, შეუძლია თუ არა კრებას განცხადებების ადგილობრივად დაკმაყოფილება. ასეთი განცხადება გათვალისწინებულია მხოლოდ სამაგალითო მაუწყებლებისთვის, რომელთა ბავშვებიც კარგი ყოფაქცევით გამოირჩევიან. თუ განსაკუთრებული საჭიროების მქონე მაუწყებელთან დაკავშირებით ძმებს დაბინავების განყოფილებიდან რაიმე კითხვები წამოეჭრებათ, ისინი დაუკავშირდებიან კრების მდივანს.

⁷ დაბინავების განყოფილება საცხოვრებლების შერჩევისას ცდილობს განცხადებაში მოცემული მოთხოვნილებების გათვალისწინებას. თუ იმ ქალაქში ცხოვრობთ, სადაც საოლქო კონგრესი უნდა ჩატარდეს და მზად ხართ ბინაში დელეგატების მისაღებად, ბლანკში „ბინები“ (CO-4), რომელსაც კრების მდივანი მოგცემთ, მიუთითეთ მნიშვნელოვანი დეტალები. კერძოდ, გყავთ თუ არა პატარა ბავშვები; უზრუნველყოფთ თუ არა სტუმარს თეთრეულით, საკვებით; გყავთ თუ არა ბინაში ცხოველები და ასე შემდეგ.

⁸ სხვა კონგრესებზე დასწრება: შეიძლება ისეთი მდგომარეობა შეგექმნა, რომ ვეღარ ახერხებ იმ კონგრესზე დასწრებას, რომელზეც შენი კრებაა მიწვეული. თუ სხვა კონგრესის შესახებ ინფორმაცია გესაჭიროება, ამის თაობაზე შენი კრების მდივანს მიმართე. ბლანკის, „განსაკუთრებული საჭიროებების მქონეთა განცხადება დაბინავებაზე“, უკანა მხარეს მოცემულია ინფორმაცია იმის შესახებ, თუ სად და რომელ რიცხვებში ჩატარდება კონგრესები და, აგრეთვე, დასაბინავებელი განყოფილებების მისამართები. გაგზავნე მოთხოვნა შესაბამის მისამართზე. კონვერტზე დააწერე შენი მისამართი და დააკარი საფოსტო მარკა. თუ ქალაქში ერთზე მეტი კონგრესი ტარდება, განცხადებაში ზუსტად მიუთითე იმ კონგრესის ჩატარების თარიღი, რომელზეც გსურს დასწრება. ამ ქალაქში არსებული დაბინავების განყოფილება გამოგიგზავნის კონგრესის დელეგატებისთვის შეთავაზებული დასაბინავებელი ადგილების უახლეს სიას.

⁹ დაახლოებით 2 500 წლის წინათ, ერთად თავმოყრილ იეჰოვას ხალხს ეზრა და მისი თანამსახური ლევიანები ღვთის სიტყვას უკითხავდნენ და განუმარტავდნენ. რა იყო ამის შედეგი? ნეემიას 8:12-ში ვკითხულობთ: „წავიდა მთელი ხალხი . . . დიდი მხიარულების საყოფად, რადგან შეისმინეს სიტყვები, მათ რომ აუწყეს“. განა მადლიერნი არ ვართ, რომ სულით ცხებულებისგან შემდგარი მონის კლასი, ეზრასა და ლევიანების მსგავსად, ღვთის სიტყვით სარგებლობს, გვიხსნის მას და გვიჩვენებს, როგორ გამოვიყენოთ ცხოვრებაში მასში მოცემული პრინციპები? ეს ყოველივე იეჰოვას მიერ თავისი ხალხისადმი გამოვლენილი გულწრფელი სიყვარულისა და მზრუნველობის გამოხატულებაა. მტკიცედ გადაწყვიტე, რომ სამივე დღის პროგრამას დაესწრო საოლქო კონგრესზე „იარეთ ღმერთთან“!

[ჩარჩო 3 გვერდზე]

პროგრამის განრიგი

პარასკევი და შაბათი

9:30 — დაახლოებით 17:10

კვირა

9:30 — დაახლოებით 16:05

[ჩარჩო 4 გვერდზე]

ითანამშრომლე დაბინავების განყოფილებასთან

◼ დაბინავდით მხოლოდ იმ სასტუმროებში, რომლებიც მოცემულია „შემოთავაზებული დასაბინავებელი ადგილების სიაში“. ნუ დარეკავთ იმ სასტუმროებში, რომლებიც არ არის სიაში.

◼ თუ სიაში შემოთავაზებულ ყველა სასტუმროში დარეკეთ და არსად არ არის თავისუფალი ოთახები, ან რომელიმე სასტუმროში უფრო მაღალ ფასებს ასახელებენ, ამის შესახებ კრების მდივანს შეატყობინეთ. სიის ზემოთ მოცემული ინფორმაციის მხედველობაში მიღებით, ის უნდა დაუკავშირდეს კონგრესის ორგანიზებაზე პასუხისმგებელ დასაბინავებელ განყოფილებას. ნაცვლად იმისა, რომ იმ სასტუმროში დარეკოთ, რომელიც სიაში არ არის, გთხოვთ დაელოდოთ დასაბინავებელ განყოფილებას, სანამ დასაბინავებელი ადგილების უახლეს სიას გამოგიგზავნიან.

◼ შეუკვეთეთ მხოლოდ ისეთი საცხოვრებელი, რომელიც ნამდვილად გამოგადგებათ.

◼ არ შეცვალოთ პირველი შეკვეთა.

◼ კრების მდივანს შეუძლია „შემოთავაზებული დასაბინავებელი ადგილების სიის“ ასლები გააკეთოს კრების ყველა წიგნის შესწავლის ზედამხედველისთვის. ეს მხოლოდ იმ შემთხვევაში უნდა მოხდეს, თუ იმ კვირაში, როდესაც საოლქო კონგრესზე მისაწვევი წერილი უნდა წაკითხულიყო, კრება ორდღიან სარაიონო კონგრესს ესწრება. ასეთ დროსაც კი „შემოთავაზებული დასაბინავებელი ადგილების სიის“ ასლი არ უნდა გაკეთდეს ცალკეული მაუწყებლებისთვის.

[ჩარჩო 4 გვერდზე]

როგორ დავჯავშნოთ ნომერი სასტუმროში?

1. სამუშაო საათებში დარეკეთ სასტუმროებში და მხოლოდ იმ სასტუმროების ტელეფონის ნომრებით ისარგებლეთ, რომლებიც „შემოთავაზებული დასაბინავებელი ადგილების სიაშია“ მოცემული.

2. სასტუმროს ადმინისტრაციას აცნობეთ, რომ იეჰოვას მოწმეთა კონგრესს დაესწრებით.

3. შეატყობინეთ, რომელ რიცხვებში აპირებთ სასტუმროში გაჩერებას.

4. თუ თავისუფალი ოთახები აღარ არის, სიაში შემოთავაზებულ სხვა სასტუმროში დარეკეთ.

5. დარწმუნდით, რომ ნომერს იმ ფასში გთავაზობენ, რომელიც „შემოთავაზებული დასაბინავებელი ადგილების სიაშია“ მოცემული. უფრო მაღალ ფასზე ნუ დათანხმდებით.

6. დაჯავშნეთ ოთახი და დარწმუნდით, რომ ნამდვილად ხართ სიაში. ოთახის დაჯავშნის დროს გაითვალისწინეთ დასაბინავებელი განყოფილების მიერ მოცემული რჩევები.