როგორ შეგვიძლია დავეხმაროთ მათ, ვინც გახსენების საღამოს დაესწრება?

1. რა დიდებულ დამოწმებას მიიღებენ ადამიანები 2008 წლის 22 მარტს?

¹ 2008 წლის 22 მარტს მილიონობით ადამიანი მთელ მსოფლიოში დიდებულ დამოწმებას მიიღებს. ისინი, ვინც იესოს გახსენების საღამოს დაესწრებიან, მოისმენენ იეჰოვას იმ დიდი სიყვარულის შესახებ, რომელიც მან კაცობრიობისთვის გამოსასყიდის გაღებით გამოავლინა (იოან. 3:16). ისინი გაიგებენ, თუ რა არის ღვთის სამეფო და როგორ გამოიყენებს მას იეჰოვა დედამიწაზე თავისი ნების შესასრულებლად (მათ. 6:9, 10). ისინი საკუთარი თვალით იხილავენ ღვთის ხალხის სიყვარულსა და ერთიანობას, და დაინახავენ ჩვენს სტუმართმოყვარეობას (ფსალმ. 133:1).

2. როგორ შეგვიძლია ბიბლიის შემსწავლელების დახმარება?

² ბიბლიის შემსწავლელები: დამსწრეთა შორის იქნებიან ისეთები, ვინც სულ ახლახან დაიწყო ჩვენთან ბიბლიის შესწავლა. გააცანი მათ ჩვენი და-ძმები. აუხსენი, როგორ ტარდება ყოველკვირეული შეხვედრები და დაათვალიერებინე სამეფო დარბაზი. მოხსენების დროს მომხსენებელი წაახალისებს მათ იმისკენ, რომ განაგრძონ სულიერი წინსვლა. მისი სიტყვების საფუძველზე შენც შეგიძლია გაამხნევო ისინი, ვისაც ბიბლიას ასწავლი.

3. რისი გაკეთება შეიძლება გახსენების საღამოზე მოსული არააქტიური მაუწყებლების გასამხნევებლად?

³ არააქტიურები: დამსწრეთა შორის არააქტიური მაუწყებლებიც იქნებიან. გულთბილად მიესალმე მათ. მოერიდე პირადული კითხვების დასმას ან ისეთ ფრაზებს, რითაც მათ უხერხულ მდგომარეობაში ჩააგდებდი. გახსენების საღამოს შემდეგ ცოტა ხანში უხუცესები მოინახულებენ ამ არააქტიურ მაუწყებლებს, შეაქებენ მათ იმ ძალისხმევისთვის, რომელიც საღამოს დასწრებას მოახმარეს, და თბილად მოიწვევენ კრების მომდევნო შეხვედრაზე.

4. როგორ შეუძლია თითოეულ ჩვენგანს სტუმრების დახმარება?

⁴ სტუმრები: დამსწრეთაგან ზოგიერთები შეიძლება იყვნენ ჩვენი ნაცნობები ან ოჯახის წევრები, რომლებიც პირადად მოვიწვიეთ. სხვები შეიძლება სპეციალური კამპანიის დროს მოწვეული სტუმრები იყვნენ. თუ დაინახავ ისეთებს, ვისაც არ იცნობ, მიესალმე და გაეცანი მათ. შეიძლება აღმოჩნდეს, რომ ისინი პირველად არიან იეჰოვას მოწმეთა შეხვედრაზე. ამ ადამიანებთან გასაუბრებისას დაინახავ, თუ როგორ იქნება შემდგომში შესაძლებელი მათთან დაკავშირება. თუ გახსენების საღამოს აღნიშვნიდან რამდენიმე დღეში მიაკითხავ ან ტელეფონით დაუკავშირდები მათ, შეიძლება უფრო გაუღვივო ინტერესი და ბიბლიის შესწავლაც შესთავაზო.

5. რისი თქმა შეგვიძლია ბიბლიის შესწავლის დასაწყებად?

⁵ განმეორებითი მონახულების დროს ჩვენ შეგვიძლია გავიხსენოთ ის აზრები, რომლებიც მოვისმინეთ გახსენების საღამოს დროს წარმოთქმულ მოხსენებაში, და ამ ინფორმაციის საფუძველზე ადამიანებს შევთავაზოთ წიგნი „რას გვასწავლის ბიბლია?“ მაგალითად: მომხსენებელი ამოიკითხავს ესაიას 65:21—23 მუხლებს. განმეორებითი მონახულებისას შეგიძლია ორიოდე სიტყვით შეეხო მოხსენებას და თქვა: „ნება მიბოძეთ, გიჩვენოთ, კიდევ რა კურთხევებს მოიტანს გამოსასყიდი“. შემდეგ წიგნიდან „რას გვასწავლის ბიბლია?“ მიმოიხილე მე-4 და მე-5 გვერდები. ან შეგეძლო გეთქვა: „ბევრს აინტერესებს, როდის ვიხილავთ ესაიას წინასწარმეტყველების შესრულებას“. შემდეგ მიმოიხილე პირველი სამი აბზაცი წიგნის მე-9 თავიდან. ბიბლიის შესწავლის შეთავაზება სხვა მიდგომითაც შეიძლება — უბრალოდ მოიხსენიე გახსენების საღამოს მოხსენებიდან რაიმე აზრი, შესთავაზე მობინადრეს წიგნი „რას გვასწავლის ბიბლია?“ და უჩვენე, როგორ ტარდება ბიბლიის შესწავლა.

6. რისი შესაძლებლობა გვეძლევა, როდესაც ვემორჩილებით იესოს მითითებას მისი სიკვდილის გახსენებასთან დაკავშირებით?

⁶ მოდი თითოეულმა ჩვენგანმა ყველა შესაძლებლობა გამოვიყენოთ ბიბლიის შემსწავლელების, არააქტიური მაუწყებლებისა და გახსენების საღამოზე მოსული სტუმრების დასახმარებლად (ლუკ. 22:19). იეჰოვა აუცილებლად აკურთხებს ჩვენს მონდომებას.

როგორ შევთავაზოთ ჟურნალები

საგუშაგო კოშკი 1 მარ.

„ყოველდღე ჩვენ ვისმენთ უბედურებების, დაავადებებისა და სიკვდილის შესახებ. როგორ ფიქრობთ, ოდესმე თუ დადგება ისეთი დრო, როცა ამ ყოველივესგან დაცულნი ვიქნებით? [დაელოდე, გიპასუხოს]. ეს ბიბლიური მუხლი მილიონობით ადამიანს იმედს უნერგავს [წაიკითხე იოანეს 3:16]. ამ ჟურნალში განიხილება ის, თუ როგორ შეუძლია იესოს სიკვდილს თქვენი ხსნა“.

გამოიღვიძეთ! მარ.

„როგორ ფიქრობთ, შეუძლია ცრურწმენას ზიანი მოუტანოს ადამიანს ან საშიში იყოს მისთვის? [დაელოდე, გიპასუხოს]. ბიბლიაში შემდეგი საინტერესო სიტყვებია ჩაწერილი [წაიკითხე ესაიას 65:11]. ამ სტატიაში, რომელიც ამ ჟურნალის მე-10 გვერდზე იწყება, საუბარია იმაზე, ეთავსება თუ არა ერთმანეთს ბიბლიური სწავლებები და ცრურწმენა“.

საგუშაგო კოშკი 1 აპრ.

«გსურთ, იხილოთ ამ წინასწარმეტყველების შესრულება? [წაიკითხე ესაიას 2:4 და დაელოდე, გიპასუხოს]. შენიშნეთ, რომ ღმერთი ჩაერევა ადამიანთა საქმეებში და „საქმეებს მოაგვარებს“. ბიბლია გვამცნობს, რომ ღმერთი გამართავს ომს, არმაგედონს, რომელიც ბოლოს მოუღებს ყველა ომს. ამ ჟურნალში ახსნილია, თუ რა არის არმაგედონი და რატომ არ უნდა ველოდოთ მას შიშით».

გამოიღვიძეთ! აპრ.

„თქვენი აზრით, ვცხოვრობთ თუ არა ისეთ დროში, როგორიც აქ არის აღწერილი? [წაიკითხე 2 ტიმოთეს 3:1—4 და დაელოდე, გიპასუხოს]. არსებობს საფუძვლიანი მიზეზი იმისა, რომ გვაინტერესებდეს ბოლო დღეები, რადგან ისინი მიუთითებს იმაზე, რომ ახლო მომავალში დედამიწას შესანიშნავი ცვლილებები ელის. სწორედ ამ საკითხს განიხილავს ეს ჟურნალი“.