კარგი მასწავლებლისთვის უმნიშვნელოვანესი თვისება
1. რა არის უმნიშვნელოვანესი თვისება კარგი მასწავლებლისთვის?
1 რა ხდის ადამიანს ბიბლიის კარგ მასწავლებლად? ქვეყნიური განათლება? გამოცდილება თუ ბუნებრივი მონაცემები? სინამდვილეში, ადამიანს კარგ მასწავლებლად ხდის თვისება, რომლითაც გამოიხატება კანონი, რითაც გამოირჩევიან იესოს მოწაფეები და, რაც იეჰოვას ძირითადი და მიმზიდველი თვისებაა (იოან. 13:35; გალ. 5:14; 1 იოან. 4:8). ეს არის სიყვარული. კარგი მასწავლებლები ავლენენ სიყვარულს.
2. რატომ არის მნიშვნელოვანი, გვიყვარდეს ხალხი?
2 ხალხის სიყვარული: დიდებული მასწავლებელი იესო ხალხისადმი სიყვარულს ავლენდა. ამიტომ ისინიც მთელი გულით უსმენდნენ მას (ლუკ. 5:12, 13; იოან. 13:1; 15:13). თუ ჩვენც გვიყვარს ხალხი, მათთვის საქადაგებლად ნებისმიერ შესაძლებლობას გამოვიყენებთ; და ამაში ვერც დევნა, ვერც გულგრილობა და ვერც სხვა ვერანაირი დაბრკოლება ხელს ვერ შეგვიშლის. გულწრფელ ინტერესს გამოვავლენთ მათ მიმართ, ვისაც ვუქადაგებთ და ისეთ საკითხებზე ვესაუბრებით, რაც მათ აინტერესებთ. ჩვენ დროს გამოვყოფთ არა მხოლოდ ბიბლიის შესწავლის ჩასატარებლად, არამედ ამ შესწავლებისთვის მოსამზადებლადაც.
3. როგორ დაგვეხმარება მსახურებაში ბიბლიური ჭეშმარიტების სიყვარული?
3 ბიბლიური ჭეშმარიტების სიყვარული: იესოს უყვარდა ბიბლიური ჭეშმარიტება და მას განძად მიიჩნევდა (მათ. 13:52). თუ გვიყვარს ჭეშმარიტება, მასზე აღფრთოვანებით ვილაპარაკებთ, რაც მსმენელსაც გადაედება. ასეთი სიყვარული დაგვეხმარება, მთელი ყურადღება იმ მნიშვნელოვან ინფორმაციაზე გვქონდეს გადატანილი, რაზეც ვსაუბრობთ და არა იმაზე, თუ რამდენად უნარიანი მასწავლებლები ვართ. შედეგად, მსახურებაში ნაკლებად ვინერვიულებთ.
4. როგორ განვივითაროთ სიყვარული?
4 განივითარეთ სიყვარული: ხალხისადმი სიყვარულის განვითარებით, თუ ავირეკლავთ იეჰოვასა და მისი ძის სიყვარულს და მხედველობაში მივიღებთ ჩვენს ტერიტორიაზე მცხოვრები ადამიანების სავალალო სულიერ მდგომარეობას (მარ. 6:34; 1 იოან. 4:10, 11). ბიბლიური ჭეშმარიტებისადმი სიყვარულს რეგულარული პირადი შესწავლა და ფიქრი გაგვიღრმავებს. სიყვარული სულის ნაყოფია (გალ. 5:22). ამიტომ შეგვიძლია იეჰოვას ვევედროთ, მოგვცეს წმინდა სული და ვთხოვოთ, დაგვეხმაროს სიყვარულის განვითარებაში (ლუკ. 11:13; 1 იოან. 5:14). ქვეყნიური განათლების, ჭეშმარიტებაში გამოცდილებისა და ბუნებრივი მონაცემების მიუხედავად, თუ სიყვარულს ვავლენთ, შეგვიძლია გავხდეთ ბიბლიის ეფექტური მასწავლებელი.