ᲒᲐᲙᲕᲔᲗᲘᲚᲘ 13

პრაქტიკული ღირებულების ჩვენება

იგავები 3:21

ᲛᲗᲐᲕᲐᲠᲘ ᲐᲖᲠᲘ: დაანახვე მსმენელს, როგორ ეხება მას საკითხი, რაზეც საუბრობ და როგორ გამოიყენოს ნასწავლი.

ᲠᲐ ᲣᲜᲓᲐ ᲒᲐᲐᲙᲔᲗᲝ:

იფიქრე მსმენელზე. დაფიქრდი, რატომ არის ეს ინფორმაცია მსმენელისთვის მნიშვნელოვანი და განსაკუთრებით რომელი აზრები დაეხმარება მათ.
საუბრის განმავლობაში დაანახვე მსმენელს, როგორ უნდა მოიქცეს. მსმენელი დასაწყისშივე უნდა მიხვდეს, რომ თემა მას ეხება. თითოეულ მთავარ აზრზე მსჯელობისას დაანახვე მას, როგორ შეუძლია მოსმენილის გამოყენება. კონკრეტულად ილაპარაკე და მოერიდე საკითხის განზოგადებას.

ბიბლიური პრინციპების პრაქტიკულ ღირებულებებზე საუბრისას სითბო და თანაგრძნობა გამოავლინე. ნაცვლად იმისა, რომ აუდიტორიას თავი დამნაშავედ აგრძნობინო, შეაქე რწმენისა და სიყვარულისთვის. გჯეროდეს, რომ გაითვალისწინებენ რჩევებს და სწორად მოიქცევიან.

ᲛᲡᲐᲮᲣᲠᲔᲑᲐᲨᲘ:

როცა მსახურებისთვის ემზადები, დაფიქრდი, რა გადმოსცეს ახალ ამბებში ან რა აინტერესებს შენს ტერიტორიაზე მცხოვრებ ხალხს. შეთავაზება მათთვის აქტუალურ საკითხს მოარგე. დაუსვი ტაქტიანი კითხვები, რათა გაიგო, რა აწუხებს და რა აინტერესებს ადამიანს. ყურადღებით მოუსმინე და საჭიროების შემთხვევაში შეცვალე საუბრის თემა.