ᲒᲐᲙᲕᲔᲗᲘᲚᲘ 1

საინტერესო შესავალი

საქმეები 17:22

ᲛᲗᲐᲕᲐᲠᲘ ᲐᲖᲠᲘ: შესავალმა ინტერესი უნდა აღძრას, გამოკვეთოს საუბრის თემა და დაანახვოს მსმენელს, რატომ უნდა აინტერესებდეს ეს საკითხი.

ᲠᲐ ᲣᲜᲓᲐ ᲒᲐᲐᲙᲔᲗᲝ:

აღძარი ინტერესი. შეარჩიე მსმენელისთვის საინტერესო კითხვა, რეალური შემთხვევა, ახალი ამბავი ან დამაფიქრებელი აზრი.

წინასწარ დაფიქრდი, რა აწუხებს და აინტერესებს ხალხს, შემდეგ კი შესაბამისად მოამზადე შესავალი სიტყვა.
გამოკვეთე საუბრის თემა. დარწმუნდი, რომ შესავალში ნათლად არის გამოკვეთილი საუბრის თემა და მიზანი.
დაანახვე მსმენელს, რატომ არის ეს საკითხი მისთვის მნიშვნელოვანი. თემა მსმენელის საჭიროებებს მოარგე. მათ ნათლად უნდა დაინახონ, რა მხრივ გამოადგებათ შენი ნათქვამი.

მოხსენების მომზადების დროს ჰკითხე საკუთარ თავს: „რა პრობლემებს ხვდებიან და-ძმები ჩემს კრებაში?“; შემდეგ კი შესავალი მათ საჭიროებებს მოარგე.