წყაროები — „ჩვენი ქრისტიანული ცხოვრება და მსახურება“
© 2023 Watch Tower Bible and Tract Society of Pennsylvania
6—12 ᲜᲝᲔᲛᲑᲔᲠᲘ
ᲦᲕᲗᲘᲡ ᲡᲘᲢᲧᲕᲘᲡ ᲡᲐᲣᲜᲯᲔ | ᲘᲝᲑᲘ 13, 14
ღვთის სიტყვის სიღრმეები
it „ნაცარი“
სიტყვა „ნაცარს“ ისეთი რამის აღსაწერადაც იყენებდნენ, რაც უმნიშვნელო და უსარგებლო იყო. მაგალითად, აბრაამმა იეჰოვასთან საუბრისას საკუთარ თავზე თქვა: „მტვერი და ნაცარი ვარ“ (დბ. 18:27; იხ. აგრეთვე ეს. 44:20; იობ. 30:19). იობმაც სწორედ სიტყვა „ნაცარი“ გამოიყენა, როცა თავისი მეგობრების საუბარი შეაფასა. მათ ნათქვამს მან სიტყვასიტყვით „ნაცრის იგავები“ უწოდა, რაც აზრობრივად ითარგმნა, როგორც „უშინაარსო იგავები“ (იობ. 13:12).
20—26 ᲜᲝᲔᲛᲑᲔᲠᲘ
ᲦᲕᲗᲘᲡ ᲡᲘᲢᲧᲕᲘᲡ ᲡᲐᲣᲜᲯᲔ | ᲘᲝᲑᲘ 18, 19
ნუ მიატოვებ თანაქრისტიანს გასაჭირში!
w90 9/1 22 ¶20
„ისწრაფვით პასუხისმგებლობებისკენ?“
20 უხუცესთა საბჭოში მომსახურე ძმებს უნდა ესმოდეთ, რომ პასუხისმგებლობების დაკარგვა უხუცესებისთვის თუ მომსახურეებისთვის დიდ განცდებთან არის დაკავშირებული, მაშინაც კი, თუ თავად ამბობენ უარს ასეთი სახის მსახურების გაგრძელებაზე. თუ უხუცესები ამჩნევენ, რომ ძმას, რომელმაც პასუხისმგებლობა დაკარგა, მაგრამ კრებიდან არ გარიცხულა, ძალიან უჭირს ახალ მდგომარეობასთან შეგუება, უნდა ანუგეშონ ის და სულიერი დახმარება აღმოუჩინონ (1 თესალონიკელები 5:14). უხუცესებმა უნდა დაარწმუნონ ეს ძმა, რომ შეუძლია კრებას ბევრ რამეში გამოადგეს. მაშინაც კი, თუ ძმას შეგონება დასჭირდა და პასუხისმგებლობები ჩამოერთვა, აუცილებელი არ არის, ძალიან დიდი დრო გავიდეს იმისათვის, რომ რაიმე საპასუხისმგებლო საქმე მიენდოს კრებაში.
ღვთის სიტყვის სიღრმეები
w94 10/1 32
„ტკბილი სიტყვის ძალა“
როცა იობს ნუგეში სჭირდებოდა, ელიფაზისა თუ სხვა მეგობრებისგან თბილი სიტყვები ვერ მოისმინა. ისინი იობს ადანაშაულებდნენ და ამბობდნენ, რომ იმას იმკიდა, რაც დათესა (იობი 4:8). ერთ-ერთ ნაშრომში ნათქვამი იყო: „იობს თანაგრძნობა სჭირდებოდა; მისმა მეგობრებმა კი ვითომდა მწარე სიმართლე გამოააშკარავეს და გაცვეთილი ფრაზების კორიანტელი დააყენეს“ (The Interpreter’s Bible). იობი იმდენად გაანადგურა ვაი-მეგობრების სიტყვებმა, რომ ასეთი რამ აღმოხდა: „როდემდე უნდა მიშფოთებდეთ სულს და როდემდე უნდა მმუსრავდეთ სიტყვებით?!“ (იობი 19:2).
არ უნდა დავუშვათ, რომ ჩვენმა დაუფიქრებელმა სიტყვებმა თანაქრისტიანს ემოციური ჭრილობა მიაყენოს (შეადარეთ კანონის 24:15). იგავების 18:21 გვაფრთხილებს: „სიკვდილ-სიცოცხლე ენის ხელშია; როგორი ენაც გექნება, შედეგსაც ისეთს მოიმკი“.
4—10 ᲓᲔᲙᲔᲛᲑᲔᲠᲘ
ᲦᲕᲗᲘᲡ ᲡᲘᲢᲧᲕᲘᲡ ᲡᲐᲣᲜᲯᲔ | ᲘᲝᲑᲘ 22—24
„რაში სჭირდება ღმერთს კაცი?!“
„როგორ გავუძლოთ განსაცდელს“
იობს გული გაუტეხა სამმა მეგობარმა, რომლებიც ღვთის აზრებს კი არა, საკუთარ შეხედულებებს ახმოვანებდნენ. ელიფაზმა ისიც კი თქვა: „არ ენდობა [ღმერთი] თავის მსახურებს“; შემდეგ კი დასძინა: „განა ყოვლისშემძლისთვის სულერთი არაა, მართალი ხარ თუ არა?!“ (იობი 4:18; 22:2, 3). რთულია, წარმოიდგინო, რა შეიძლება იყოს ამაზე დიდი სიცრუე და მტკივნეული მოსასმენი! სწორედ ამიტომ გაკიცხა იეჰოვამ ელიფაზი და მისი თანამოაზრეები და უთხრა: „არ ილაპარაკეთ ჩემზე სიმართლე“ (იობი 42:7).