ასწავლე მარტივად

იესოს მაგალითი

ᲕᲘᲓᲔᲝ: იესო მაგალითის მეშვეობით გვაცნობს ზეციერ მამას

1) უყურე ᲕᲘᲓᲔᲝᲡ ან წაიკითხე მათეს 6:25—27 და დაფიქრდი:

1. ა) როგორ დაანახვა იესომ მსმენელს, რომ იეჰოვა მზრუნველი ღმერთია?

2. ბ) რაზე გაუმახვილა იესომ მსმენელს ყურადღება მიუხედავად იმისა, რომ ბევრი რამ იცოდა ფრინველებზე? რატომ იყო ეს კარგი მიდგომა?

რას ვსწავლობთ იესოსგან

2) თუ გვინდა, რომ შემსწავლელმა დაიმახსოვროს ნასწავლი და მოქმედებისკენ აღიძრას, მარტივად უნდა ვასწავლოთ.

მიჰბაძე იესოს

3) ბევრს ნუ ილაპარაკებ. საჭირო არაა, განსახილველ საკითხზე ყველაფერი თქვა, რაც იცი. აჯობებს, ყურადღება სახელმძღვანელოში მოცემულ მასალაზე გაამახვილო. კითხვის დასმის შემდეგ საკმარისი დრო მიეცი შემსწავლელს, რომ გიპასუხოს. თუ მას არა აქვს პასუხი ან არასწორად მსჯელობს, დამატებითი კითხვები დაუსვი. თუ დაინახავ, რომ შემსწავლელი ჩასწვდა მთავარ აზრს, განაგრძე განხილვა.

4) დაეხმარე შემსწავლელს, ახალი ინფორმაცია მანამდე ნასწავლს დაუკავშიროს. მაგალითად, მკვდრეთით აღდგომის შესახებ გაკვეთილის განხილვამდე მოკლედ შეიხსენეთ, რაც მკვდრების მდგომარეობაზე ისწავლეთ.

5) კარგად შეარჩიე მაგალითები. მაგალითის მოყვანამდე დაფიქრდი:

1. ა) მარტივია?

2. ბ) ადვილად გასაგებია?

3. გ) თვითონ მაგალითი დაამახსოვრდება შემსწავლელს თუ მთავარი აზრი?