ქალაქს კვადრატის ფორმა ჰქონდა, თანაბარი სიგრძე და სიგანე. მან ქალაქი ლერწმით გაზომა და თორმეტი ათასი სტადიონი გამოვიდა. სიგრძე, სიგანე და სიმაღლე თანაბარი ჰქონდა.

გამოცხადება 21:15—

7. რით არის განსაკუთრებული ქალაქის ზომები?

⁷ ქალაქი მართლაც გასაოცარია! ის კვადრატულია და მისი პერიმეტრი 12 000 სტადიონია (დაახლოებით 2 220 კმ.), მისი გალავნის სიმაღლე კი 144 წყრთა ანუ 64 მეტრია.

სოლომონის ტაძარში წმინდათაწმინდასაც, რომელიც იეჰოვას იქ ყოფნის სიმბოლო იყო, კვადრატის ფორმა ჰქონდა (1 მეფეები 6:19, 20). გასაკვირი არ არის, რატომ აქვს იეჰოვას დიდებით გაბრწყინებულ ახალ იერუსალიმს დიდი კვადრატის ფორმა. მისი ზომები იდეალური სიზუსტით გამოირჩევა. ქალაქი ყოველმხრივ სიმეტრიული და უნაკლოა (გამოცხადება 21:22).