22. როგორ აღნიშნავს იეჰოვა, რომ არასდროს დაივიწყებს თავის ხალხს?

²² ესაია ხალხისთვის იეჰოვას სიტყვების გადაცემას განაგრძობს. ის წინასწარმეტყველებს, რომ ისრაელი ტყვეები მხნეობასა და იმედს დაკარგავენ. ესაია ამბობს: „თქვა სიონმა: მიმატოვა უფალმა და მეუფემ დამივიწყაო“ (ესაია 49:14). ასეა თუ არა ეს? ნამდვილად მიატოვა და დაივიწყა იეჰოვამ თავისი ხალხი?

23. როგორ გაამხნევა პავლემ ქრისტიანები იმაში დასარწმუნებლად, რომ იეჰოვა არ მიატოვებდა მათ?

²³ გალატელთა მიმართ წერილში მოციქულმა პავლემ მოუწოდა ქრისტიანებს: „სიკეთის კეთება ნუ მოგვეწყინება, რადგან თავის დროზე მოვიმკით, თუ არ მოვდუნდებით“ (გალატელთა 6:9). ებრაელებს მან გამამხნევებელი სიტყვები მისწერა: „ღმერთი არაა უსამართლო, რომ დაივიწყოს თქვენი საქმე და სიყვარულის შრომა, რომელიც გამოიჩინეთ მისი სახელისათვის“ (ებრაელთა 6:10). არასდროს უნდა ვიფიქროთ, რომ იეჰოვამ დაივიწყა თავისი ხალხი. ძველი სიონის მსგავსად, ქრისტიანებსაც ნამდვილად აქვთ იმის მიზეზი, რომ იხარონ და მოთმინებით ელოდონ იეჰოვას. ის ყოველთვის თავისი კავშირის პირობებისა და აღთქმების ერთგულია.

25. როგორ განახლდა სულიერი ისრაელი ბოლო დროს?

²⁵ ეს სიტყვები ბოლო დროსაც შესრულდა. პირველი მსოფლიო ომის წლები სულიერი ისრაელისთვის აოხრებისა და ტყვეობის წლები იყო. მაგრამ მოგვიანებით განახლდა და სულიერ სამოთხეში აღმოჩნდა (ესაია 35:1—10).