აზარტული თამაშები მხოლოდ მოგებით ან წაგებით არ სრულდება. ის გაცილებით სერიოზულ საფრთხეს უქმნის მოთამაშეებს. „ვინც გამდიდრებისკენ ისწრაფვის, ებმება ცდუნებაში, მახეში, ბევრ უგუნურ და მავნებელ სურვილში, რომელიც ღუპავს და ანადგურებს ადამიანებს“, — ვკითხულობთ ღვთის სიტყვაში (1 ტიმოთე 6:9). მახე მსხვერპლის დასაჭერად არის დაგებული. უამრავი ადამიანი, რომელთაც პატარა თანხით რამდენჯერმე სცადეს მოგება, მახეში გაებნენ და აზარტულ თამაშებზე გახდნენ დამოკიდებულნი. შედეგად, მათ კარიერას წერტილი დაესვა, მათი საყვარელი ადამიანები დაზარალდნენ და ოჯახები დაენგრათ.

[ჩარჩო 13 გვერდზე]

მოგების დაუოკებელი სურვილი

იცის მიჩვევა აზარტულმა თამაშებმა და შეიძლება მოთამაშე მასზე დამოკიდებული გახდეს? დოქტორმა ჰანს ბრაიტერმა კვლევა ჩაატარა და გაიგო, რა გრძნობა ეუფლებოდათ მოთამაშეებს მოგების ან წაგების შემთხვევაში. მან დაასკვნა: „ფულადი ჯილდოს მიღებისას ტვინის ის უბნები აქტიურდება, რაც კოკაინის მიღების დროს არის გააქტიურებული“.