მძლეველი თეთრი ტანსაცმლით შეიმოსება. მის სახელს არ ამოვშლი სიცოცხლის წიგნიდან და ვაღიარებ მის სახელს მამაჩემისა და მისი ანგელოზების წინაშე“ (გამოცხადება 3:4, 5).

13. რა კურთხევები ელით ცხებულ ქრისტიანებს, რომელთაც არ „წაიბილწეს ტანსაცმელი“?

¹³ სარდისელ ქრისტიანებს, რომლებიც ბოლომდე ერთგულები იყვნენ და არ შეუბღალავთ თავიანთი ქრისტიანული სახე, არაჩვეულებრივი იმედი რეალობად ექცათ. მას შემდეგ, რაც 1914 წელს იესოს, მესიის სამეფო დამყარდა, ისინი სულიერი ცხოვრებისთვის იქნენ აღდგენილნი და როგორც ‘მძლეველები’, უბიწოებისა და შეუბღალავი სიმართლის ნიშნად თეთრი ტანსაცმლით არიან შემოსილნი. მარადიული იქნება მათი ჯილდო, რადგან სიცოცხლის ვიწრო გზა განვლეს (მათე 7:14; იხილეთ აგრეთვე გამოცხადების 6:9—11).