17, 18. ა) რა მითითებებს მიიღებს ღვთის ხალხი, როცა მათ გოგი დაესხმება თავს? ბ) რა უნდა გავაკეთოთ, თუ გვსურს, რომ იეჰოვას მფარველობა არ მოგვაკლდეს?

¹⁷ როდესაც გოგი იეჰოვას ხალხის წინააღმდეგ გაილაშქრებს, იეჰოვა თავის ხალხს ეტყვის: „წადი, ჩემო ხალხო, შედი შენს შიდა ოთახებში და ჩაიკეტე კარები! ცოტა ხნით დაიმალეთ, სანამ რისხვა არ გადაივლის“ (ეს. 26:20). იმ კრიტიკულ დროს იეჰოვა სასიცოცხლოდ მნიშვნელოვან მითითებებს მისცემს თავის ხალხს; „შიდა ოთახები“ კი შესაძლოა ქრისტიანული კრებები აღმოჩნდეს.

¹⁸ მაშასადამე, თუ გვსურს, რომ „დიდი გასაჭირისას“ იეჰოვას მფარველობა არ მოგვაკლდეს, უნდა ვაღიაროთ, რომ მას დედამიწაზე ჰყავს ხალხი, რომელსაც იგი კრებების მეშვეობით ხელმძღვანელობს. ჩვენ მათ გვერდით უნდა ვიყოთ და არ უნდა მოვწყდეთ კრებას.