დრო გადის. ხანას ყოველთვის ახსოვს სამუელი. ბიბლიაში ნათქვამია: „დედა პატარა მოსასხამს უმზადებდა და ყოველ წელს აჰქონდა, როცა ქმართან ერთად ადიოდა ხოლმე ყოველწლიური მსხვერპლის შესაწირავად“ (1 სამუელი 2:19). უეჭველია, ხანა გამუდმებით ლოცულობს სამუელზე. ყოველ წელს სამუელის სანახავად მისული ხანა, ალბათ, არიგებს მას, რომ ერთგულად განაგრძოს ღვთის მსახურება.

ელკანამ და ხანამ შესანიშნავი მაგალითი დაუტოვეს ქრისტიან მშობლებს! მრავალმა მშობელმა ნებაყოფლობით „მიაბარა“ იეჰოვას თავისი შვილი. ისინი ურჩევდნენ შვილებს, რომ დაშორებულ ტერიტორიებზე ემსახურათ სრული დროით. ასეთი მშობლები ქების ღირსნი არიან, რადგან მსხვერპლი გაიღეს. იეჰოვა აუცილებლად აკურთხებს მათ.