შუბლზე ეწერა სახელი, საიდუმლო: „დიდი ბაბილონი, მეძავთა და დედამიწის სისაძაგლეთა დედა“.

გამოცხადება 17:4—

23. რა არის „დიდი ბაბილონის“ სრული სახელი და რა მნიშვნელობა აქვს მას?

²³ როგორც მიღებული იყო ძველ რომში, ამ მეძავსაც შუბლზე აწერია თავისი სახელიd. მას გრძელი სახელი აქვს — „დიდი ბაბილონი, მეძავთა და დედამიწის სისაძაგლეთა დედა“. მაშინ ეს სახელი საიდუმლო იყო, მისი მნიშვნელობა კი — დაფარული. ეს საიდუმლო ღვთის მიერ დანიშნულ დროს აიხსნებოდა. ანგელოზი იოანეს საკმარის ინფორმაციას აწვდის, რაც იეჰოვას დღევანდელ მსახურებს ამ სახელის მნიშვნელობას აგებინებს. ჩვენ ვიცით, რომ „დიდი ბაბილონი“ ცრუ რელიგიას განასახიერებს. ის „მეძავთა დედაა“, რადგან მსოფლიოს ყველა ცრუ რელიგია, მათ შორის ქრისტიანული სამყაროს სექტები, მის ქალიშვილებს ჰგავს. ისინი მას ჰბაძავენ სულიერ მეძაობაში.

25. ა) რას განასახიერებს „უწმინდურებით სავსე ოქროს სასმისი“? ბ) რა გაგებით არის სიმბოლური მეძავი მთვრალი?

²⁵ ახლა ვნახოთ, რა უჭირავს მეძავს ხელში. იოანე გაოგნებული დარჩებოდა, როცა დაინახავდა ოქროს სასმისს, მისი „სიძვის სისაძაგლითა და უწმინდურებით სავსეს“. ამ სასმისში ასხია მისი „სიძვის მრისხანების ღვინო“, რითაც ათრობს ის ყველა ერს (გამოცხადება 14:8; 17:4). გარეგნულად თასი მდიდრულია, მაგრამ, რაც მასში ასხია საძაგელი და უწმინდურია (შეადარეთ მათეს 23:25, 26). მასშია ბინძური საქმეები და სიცრუე, რითაც „დიდი მეძავი“ აცდუნებდა ერებს და თავისი გავლენის ქვეშ აქცევდა.