ციდან მოისმინეს დიდი ხმა, რომელმაც უთხრა მათ: „ამოდით აქ“. ღრუბელში ავიდნენ ზეცად და მათი მტრები უყურებდნენ მათ» (გამოცხადება 11:11, 12).

25. ა) როდის უთხრეს „ორ მოწმეს“: „ამოდით აქ“? როგორ შესრულდა ეს? ბ) როგორ შეძრა დიდი ქალაქი „ორი მოწმის“ გაცოცხლებამ?

²⁵ ქრისტიანული სამყარო კვლავ ცდილობდა ისეთივე წარმატებისთვის მიეღწია, როგორსაც 1918 წელს მიაღწია. ის ყველა მეთოდს იყენებდა — ბრბოს თავდასხმას, იურიდიულ მაქინაციებს, დაპატიმრებას, სიკვდილით დასჯასაც კი, მაგრამ უშედეგოდ! 1919 წლიდან „ორი მოწმის“ სულიერ სამყოფელს ვეღარ შეეხებოდა ქრისტიანული სამყარო. იმავე წელს იეჰოვამ უთხრა „ორ მოწმეს“: „ამოდით აქ“. მათ სულიერად ამაღლებულ მდგომარეობას მიაღწიეს. მტრები ხედავდნენ მათ, მაგრამ ვერაფერს აკლებდნენ.