17, 18. ა) როგორ იცავს ქრისტიანის სიმბოლურ გულს მტკიცე რწმენა და სიყვარული? ბ) რისგან გვიცავს იმედი?

¹⁷ სწორედ ამიტომ დაწერა პავლემ: „ჩვენ კი, ვინც დღეს ვეკუთვნით, ვიფხიზლოთ და შევიმოსოთ რწმენისა და სიყვარულის ჯავშნით, მუზარადად კი ხსნის იმედი გვქონდეს“ (1 თეს. 5:8).

¹⁸ პავლემ ასევე მოიხსენია მუზარადი ანუ „ხსნის იმედი“. ბიბლიურ დროში თუ ჯარისკაცი მუზარადს არ დაიხურავდა, შეიძლება ადვილად დაეკარგა სიცოცხლე ბრძოლაში. მაგრამ კარგი მუზარადი ჯარისკაცს იცავდა, სერიოზულად არ დაშავებულიყო. ღვთის სიტყვის სწავლა იმედს გვიმტკიცებს, რომ იეჰოვას ჩვენი ხსნა შეუძლია. მტკიცე იმედი გვეხმარება, წინააღმდეგობა გავუწიოთ განდგომილებს და მათ „უშინაარსო ლაპარაკს“, რომელიც განგრენასავით ვრცელდება (2 ტიმ. 2:16—19). იმედი ასევე გვაძლიერებს და გვეხმარება, არ ავყვეთ მათ, ვინც ჩაგვადენინებდა ისეთ საქციელს, რომელსაც ღმერთი განსჯის.