ჰორმონალური სპირალი: ასეთი სახის სპირალი შეიცავს იმავე ჰორმონებს, რომელთაც ჩასახვის საწინააღმდეგო აბები. ის ჰორმონს საშვილოსნოში გამოყოფს და ზოგ ქალში თრგუნავს ოვულაციის პროცესს. ცხადია, თუ კვერცხუჯრედი არ წარმოიქმნება, არც განაყოფიერება არ მოხდება. გარდა ამისა, ჰორმონი, რომელსაც ეს სპირალი შეიცავს, ათხელებს საშვილოსნოს ამომფენ გარსსb და ასქელებს საშვილოსნოს ყელის ლორწოვან გარსს. სქელი ლორწო კი, თავის მხრივ, სპერმის საშვილოსნოში შეღწევას უშლის ხელს.

ამგვარად, დანამდვილებით შეუძლებელია იმის თქმა, რომ ორივე სახეობის — სპილენძისა თუ ჰორმონალური სპირალის ჩადგმის შემთხვევაში არასდროს მოხდება კვერცხუჯრედის განაყოფიერება. მეცნიერულმა კვლევებმა ცხადყო, რომ ზემოთ განხილული ფაქტორების გამო სპირალის ჩადგმის შემდეგ მხოლოდ იშვიათ შემთხვევაში ხდება დაფეხმძიმება.