დავითმა იეჰოვას თავმდაბლობის მოხსენიებისას გამოიყენა ებრაული სიტყვა, რომლის ფუძეც ნიშნავს „თავის დახრას“. ებრაულ ენაში სიტყვა „თავმდაბლობის“ გარდა, არსებობს სხვა სიტყვებიც, რომლებსაც იგივე ფუძე აქვთ, მაგალითად „მოკრძალებულობა“ და „თვინიერება“.

9. სისუსტის მაჩვენებელია თავმდაბლობა? ახსენით.

⁹ უნდა აღინიშნოს, რომ თავმდაბლობა და მასთან დაკავშირებული თვისებები არ უნდა იყოს მიჩნეული სისუსტედ ან ისეთ მიდრეკილებად, რომელიც თვალს ხუჭავს არასწორ საქციელზე. როგორც წმინდა წერილები ადასტურებს, თუმცა იეჰოვა თავმდაბალია, საჭიროების შემთხვევაში ის სამართლიან რისხვასა და შიშის მომგვრელ ძალას ავლენს. იეჰოვა თავისი თავმდაბლობიდან გამომდინარე კეთილგანწყობით ეპყრობა თავმდაბლებს, განსაკუთრებულ ყურადღებას ავლენს მათ მიმართ, მაგრამ შორს არის მათგან, ვინც ამაყია (ფსალმუნები 137:6).