¹⁷ დედამიწაზე ყოფნისას იესო ლოცვაში სთხოვდა ღმერთს, რომ ზეცაში იგივე დიდება მიეღო, რაც მანამდე მის გვერდით ყოფნის დროს ჰქონდა (იოან. 17:5). არაფერი მიანიშნებს იმაზე, რომ იესოს ამაზე მეტი სურდა. ის არ მოელოდა, რომ ზეცაში უფრო მაღალ მდგომარეობას დაიკავებდა. მაგრამ როგორ მოიქცა იეჰოვა? მან წარმოუდგენელი სახით განადიდა თავისი ძე. მკვდრეთით აღდგომის შემდეგ „ის უფრო მეტად აამაღლა“ და ისეთი რამ მისცა, რაც მანამდე არავის მიუღია — იესო უკვდავი სულიერი ქმნილება გახდაb (ფილ. 2:9; 1 ტიმ. 6:16). ამგვარად იეჰოვამ წარმოუდგენელი სახით აღიარა თავისი ძე. ეს მართლაც საოცარი ჯილდოა ერთგულებისთვის!