ესაია წერს: „მოფრინდა ჩემთან ერთ-ერთი სერაფიმი და ხელში სამსხვერპლოდან აღებული მუგუზალი ეჭირა მაშით.

12. რა სამსხვერპლოს ხედავს ესაია და რას აკეთებს ამ სამსხვერპლოს ცეცხლი?

¹² „სამსხვერპლოს“ ხსენება კიდევ ერთხელ შეგვახსენებს, რომ ეს ხილვაა (შეადარეთ გამოცხადება 8:3; 9:13). იერუსალიმის ტაძარში ორი სამსხვერპლო იყო — წმიდათაწმიდის კრეტსაბმელის წინ შედარებით პატარა ზომის სასაკმევლე სამსხვერპლო, ხოლო საწმიდრის შესასვლელის წინ დიდი სამსხვერპლო, სადაც მუდმივად ენთო ცეცხლი (ლევიანნი 6:12, 13; 16:12, 13). მაგრამ ამ მიწიერ სამსხვერპლოებს უფრო დიდი მნიშვნელობა ჰქონდა (ებრაელთა 8:5; 9:23; 10:5—10). აღსანიშნავია, რომ ზეციურმა ცეცხლმა შთანთქა აღსავლენი სოლომონის ტაძრის მიძღვნის დროს (მეორე ნეშტთა 7:1—3). ახლა კი ჭეშმარიტი ზეციერი სამსხვერპლოს ცეცხლი ესაიას ბაგეებს წმენდს.