უფრო მეტიც, სატანამ ყველა გონიერი ქმნილების ერთგულება დააყენა ეჭვქვეშ. როგორც იეჰოვას ერთგული მსახურის იობის შემთხვევიდან გამოჩნდა, სატანა ამტკიცებდა, რომ ყველა ადამიანს ჩამოაშორებდა ღმერთს (იობ. 2:1—5).

10. რისი უფლება მისცა ღმერთმა სატანას, როცა თავისი უზენაესობის გასამართლებლად დაუყოვნებლივ არ მიიღო ზომები?

¹⁰ იეჰოვას თავისი უზენაესობა რომ გაემართლებინა, დაუყოვნებლივ არ მიუღია ზომები. მან სატანას დრო მისცა, რომ დაემტკიცებინა თავისი „სიმართლე“. ღმერთმა აგრეთვე ადამიანებს შესაძლებლობა მისცა, ერთგულება გამოევლინათ მისდამი და მხარი დაეჭირათ მისი უზენაესობისთვის.

11. რას აკეთებს ღვთის ბევრი ერთგული მსახური იეჰოვას უზენაესობის მხარდასაჭერად?

¹¹ ბევრმა რწმენა გამოავლინა იეჰოვას მიმართ და მისი ერთგული დარჩა. მათ მხარი დაუჭირეს იეჰოვას უზენაესობას და მისი სახელის განწმენდაში მიიღეს მონაწილეობა. ესენი იყვნენ აბელი, ენოქი, ნოე, აბრაამი, სარა, მოსე, რუთი, დავითი, იესო ქრისტე და მისი პირველი მოწაფეები; დღეს მათ რიგებს მილიონობით ღვთის ერთგული მსახური უერთდება. ისინი, ვინც მხარს უჭერენ იეჰოვას უზენაესობას, ამტკიცებენ, რომ სატანა მატყუარაა. ეს ერთგული მსახურები აგრეთვე აბათილებენ ეშმაკის მტკიცებას, რომ ყველას ჩამოაშორებს ღმერთს, და ამით იეჰოვას სახელის განწმენდაში იღებენ მონაწილეობას (იგავ. 27:11).