შენი ვაჟები, ყველანი, უფლის დამოძღვრილნი იქნებიან და დიდი იქნება შენი ვაჟების კეთილდღეობა.

23. ა) რა გავლენას ახდენს ცხებულ ქრისტიანებზე ‘უფლის მიერ დამოძღვრა’ უკანასკნელ ჟამს? ბ) რა გაგებით არის იეჰოვას ხალხი ‘პატიოსანი ქვების გალავნით’ კურთხეული?

²³ პასუხი 54-ე თავის მე-13 მუხლშია მოცემული — ისინი „უფლის დამოძღვრილნი იქნებიან“. თავად იესომ გამოიყენა ამ მუხლის სიტყვები თავისი ცხებული მიმდევრების მიმართ (იოანე 6:45). დანიელმა იწინასწარმეტყველა, რომ „უკანასკნელ ჟამს“ ცხებულები ჭეშმარიტი შემეცნებითა და სულიერი გაგებით იქნებოდნენ კურთხეული (დანიელი 12:3, 4). მათ ეს გაგება ეხმარება ისტორიაში უდიდესი საგანმანათლებლო საქმიანობის ხელმძღვანელობაში, რომლის საშუალებითაც მთელ დედამიწაზე ავრცელებენ ღვთის სწავლებას (მათე 24:14). გარდა ამისა, ამ სულიერი გაგების წყალობით დაინახეს ჭეშმარიტ და ცრუ რელიგიას შორის განსხვავება.

24. რა შემთხვევაში ვიქნებით იეჰოვას მიერ განსწავლული?

²⁴ ამიტომაც თითოეული უნდა დავფიქრდეთ: ვარ თუ არა იეჰოვას მიერ განსწავლული? ღვთის მიერ ავტომატურად ვერ განვისწავლებით. ამისთვის ძალისხმევა გვჭირდება. თუ რეგულარულად ვკითხულობთ ღვთის სიტყვას, ვფიქრობთ მასზე და მითითებებს ვიღებთ „ერთგული და გონიერი“ მონის მიერ გამოცემული ბიბლიაზე დაფუძნებული ლიტერატურის კითხვით, ქრისტიანული კრებებისთვის მომზადებითა და მათზე დასწრებით, ნამდვილად ვიქნებით მისგან დამოძღვრილი (მათე 24:45—47). თუ ვეცდებით ნასწავლის გამოყენებასა და სულიერი სიფხიზლის შენარჩუნებას, ღვთის სწავლება გამოგვყოფს ამ უღვთო წუთისოფლისგან (1 პეტრე 5:8, 9). რაც უფრო მეტად მნიშვნელოვანია, ის ‘ღმერთთან მიახლოებაში’ დაგვეხმარება (იაკობი 1:22—25; 4:8).