„ვიხილე ახალი ცა და ახალი დედამიწა, რადგან წინანდელი ცა და წინანდელი დედამიწა მოისპო და ზღვა აღარ არის“ (გამოცხადება 21:1).

„წინანდელი ცა და წინანდელი დედამიწა“ ანუ სატანის ქვეყნიერება და მმართველობის სისტემა, რომელზეც სატანა და მისი დემონები ახდენდნენ გავლენას, მოისპობა. ბოროტ და ურჩ ადამიანთა მღელვარე „ზღვა“ აღარ იარსებებს. მათ ადგილს დაიკავებს „ახალი ცა და ახალი დედამიწა“, ანუ ადამიანთა ახალი საზოგადოება, რომელსაც ახალი მთავრობა, ღვთის სამეფო უხელმძღვანელებს (შეადარეთ გამოცხადების 20:11).