«ჩაჰბერა საყვირს მეშვიდე ანგელოზმა და გაისმა ზეცაში დიდი ხმები: „ქვეყნიერების სამეფო ჩვენი უფლისა და მისი ქრისტეს სამეფო გახდა და ის იმეფებს მარადიულად“ » (გამოცხადება 11:15).

3. რატომ დაუშვა იეჰოვამ, მარადიულმა მეფემ, დედამიწაზე სხვა უმაღლესი ხელისუფლებების არსებობა?

³ რა გაგებით გახდა „ქვეყნიერების სამეფო ჩვენი უფლის“ იეჰოვასი? განა იეჰოვა ყოველთვის მეფე არ იყო?! მართალია, რადგან ლევიანი ასაფი მღეროდა: „ღმერთია ჩემი მეფე უხსოვარი დროიდან“. სხვა ფსალმუნმომღერალი კი ამბობდა: „გამეფდა იეჰოვა! . . უხსოვარი დროიდან არის განმტკიცებული შენი ტახტი. მარადიულად ხარ შენ“ (ფსალმუნები 74:12; 93:1, 2). იეჰოვამ თავისი სიბრძნით დაუშვა, რომ სხვა უმაღლეს ხელისუფლებებსაც ეარსება დედამიწაზე. ამგვარად შესაძლებელი გახდა საბოლოოდ პასუხი გასცემოდა ედემის ბაღში წამოჭრილ საკამათო საკითხს — შეეძლო თუ არა ადამიანს ღვთის გარეშე მმართველობა. ადამიანთა მმართველობა ყოველმხრივ წარუმატებელი აღმოჩნდა. გამართლდა ღვთის წინასწარმეტყველის სიტყვები: „ვიცი, იეჰოვა, რომ ადამიანის ნებაზე არ არის მისი გზა; მიმავალი კაცი ვერ წარმართავს თავის ნაბიჯებს“ (იერემია 10:23). პირველი მშობლების შეცოდების შემდეგ მთელი დედამიწა სატანის, „ძველი გველის“ ძალაუფლებაში გადავიდა (გამოცხადება 12:9; ლუკა 4:6).