ღვთის სამეფოს მმართველები

6. ა) საღვთო წერილის საფუძველზე, ვისი უზენაესობის გამომხატველია მესიანური სამეფო? ბ) როგორ უნდა იმოქმედოს ჩვენზე იმან, რასაც ღვთის სამეფოს შესახებ ვეცნობით?

⁶  ღვთის სამეფოს უკეთ გაცნობისას უპირველესად იმას დავინახავთ, რომ მესიანური სამეფო იეჰოვას უზენაესობის გამომხატველია. სწორედ იეჰოვამ მისცა „ხელმწიფება, დიდება და მეფობა“ თავის ძეს. მას შემდეგ, რაც იესოს მმართველობის უფლება მიეცა, ცაში ხმები გაისმა: „წუთისოფლის სამეფო გახდა ჩვენი უფლისა [იეჰოვა ღმერთის] და მისი ქრისტესი, და იმეფებს იგი [იეჰოვა] უკუნითი უკუნისამდე“ (გამოცხადება 11:15). ამიტომ, როდესაც ვაკვირდებით ყველაფერს, რაც ამ სამეფოსთან არის დაკავშირებული და თვალყურს ვადევნებთ იმას, თუ რას ახორციელებს ის, უფრო ვუახლოვდებით იეჰოვას. სამეფოსთან გაცნობამ სურვილი უნდა გაგვიჩინოს, სამუდამოდ დავემორჩილოთ მის უზენაეს ხელისუფლებას.

8. ა) ადამიანთა მმართველობისგან განსხვავებით, რატომ იქნება ღვთის მმართველობა ურყევი? ბ) რა კავშირი აქვს „ერთგულ და გონიერ მონას“ ზეციერ მთავრობასთან?

⁸  ღვთის სამეფო მუდმივი და ურყევი მმართველობაა. მისი ურყეობის სრულ გარანტიას ის ფაქტი იძლევა, რომ თავად იეჰოვაა უკვდავი (ფსალმუნი 145:3—5, 10).