მოდით და უფასოდ მოისმინეთ საჯარო მოხსენება „მარადიული სიცოცხლისკენ მიმავალი ერთადერთი გზა“

დაახლოებით 20 წლის წინ დოქტორი ალვინ სილვერშტაინი თავის წიგნში „სიკვდილზე გამარჯვება“ (Conquest of Death) წერდა: „ჩვენ ამოვიცნობთ სიცოცხლის რაობას. გავიგებთ. . . როგორ ბერდება ადამიანი“. მან იწინასწარმეტყველა კიდეც: «აღარ იქნება „მოხუცი“ ხალხი, რადგან შემეცნება, რომელიც შესაძლებელს გახდის სიკვდილზე გამარჯვებას, მარადიულ ახალგაზრდობასაც მოიტანს».

არც თუ ისე დიდი ხნის წინ კი ჟურნალ „ნიუ-იორკ ტაიმზის“ 1997 წლის 28 სექტემბრის ნომრის ერთ სტატიაში საუბარი იყო „სიცოცხლის ხანგრძლივობასთან“ დაკავშირებულ ოპტიმიზმზე, რომელსაც დღევანდელი ტექნიკური განვითარებით აღტაცებული, თავის ჯანმრთელობაზე მზრუნველი, მრავალი ადამიანი იზიარებს. „მე ნამდვილად მჯერა, რომ ჩვენ შეგვიძლია მარადიულად მცხოვრები პირველი თაობა ვიყოთ“, — თქვა ერთმა ენთუზიასტმა. მეორემ თქვა: „უეჭველად. . . გენეტიკური სტიმულაციის მეთოდები მალე გახდება ხელმისაწვდომი [ამ თაობის] გადასარჩენად დაბერების პროცესის შეჩერებით, შესაძლებელია, მისი უკუპროცესით“. გაოცებთ ასეთი ოპტიმიზმი?

გჯერათ, რომ ადამიანი თავისი მიღწევებით სიკვდილზე გაიმარჯვებს? თუ მარადიული სიცოცხლისკენ მიმავალი სხვა გზა არსებობს? მთელ მსოფლიოში მილიონობით ადამიანი დარწმუნებულია, რომ მარადიულად ცხოვრება ნამდვილად შესაძლებელია. გაიგეთ, როგორ შეიძლება მოხვდეთ იეჰოვას მოწმეების საოლქო კონგრესზე „ღვთისმოსაწონი ცხოვრების გზა“, სადაც შეგიძლიათ მოისმინოთ საინტერესო მოხსენება „მარადიული სიცოხლისკენ მიმავალი ერთადერთი გზა“. მის მოსასმენად არ მოგიწევთ ძალიან შორს წასვლა; ამ თვიდან ის მთელ მსოფლიოში ასობით კონგრესზე წარმოითქმება.

დაუკავშირდით იეჰოვას ადგილობრივ მოწმეებს ან მისწერეთ ამ ჟურნალის გამომცემლებს, რომ გაიგოთ, თუ სად ტარდება ეს კონგრესები.