როგორც უცხო ქვეყანაში ცხოვრებით თავისთავად ვერ ავლაპარაკდებით იქაურ ენაზე, ასევე ვერც კრების შეხვედრებზე უბრალოდ დასწრებით ან თანაქრისტიანებთან ურთიერთობით ავტომატურად ვერ ვისწავლით სიყვარულის გამოვლენას. ამ „ენის“ შესწავლა გამუდმებულ ძალისხმევას მოითხოვს.

²² სწორედ ისე, როგორც უცხო ენაზე ლაპარაკი ბოლოს უკვე გაგიადვილდებათ, თავის დროზე სიყვარულის გამოვლენაც თქვენთვის უფრო იოლი გახდება. პავლე გვარწმუნებს, რომ „სიყვარული არასოდეს მთავრდება“ (1 კორინთელთა 13:8). სულიწმინდით ბოძებული სასწაულებრივი ნიჭებისგან განსხვავებით, სიყვარული ყოველთვის იარსებებს. ასე რომ, განაგრძეთ ამ ღვთიური თვისების გამოხატვის სწავლა. სიყვარული, პავლეს სიტყვების თანახმად, „აღმატებული გზაა“.