ვცდილობდით, დაგვენახვებინა, რომ ადრეულ ასაკში დაქორწინება გონივრული არ იქნებოდა. მოვიგონეთ დევიზიც: „ნუ დაოჯახდები, ვიდრე 23-ის არ გახდები!“.

ტენესიში გადასვლამდე ჩვენი ქალიშვილები ლონდონის დასათვალიერებლად გაემგზავრნენ და იქაურ ფილიალს ესტუმრნენ. სტეფანიმ, რომელიც მაშინ 19 წლისა იყო, იქ ახალგაზრდა ბეთელელი, პოლ ნორტონი გაიცნო. ერთ-ერთი შემდგომი მოგზაურობის დროს კიმბერლიმ პოლის თანამშრომელი, ბრაიან ლეველინი გაიცნო. პოლი და სტეფანი მხოლოდ მას შემდეგ დაქორწინდნენ, რაც სტეფანი 23 წლისა გახდა. მომდევნო წელს კიმბერლი და ბრაიანი დაქორწინდნენ. კიმბერლი იმ დროს 25 წლისა იყო. ასე რომ, ჩვენი ქალიშვილები 23 წლამდე არ დაოჯახებულან. ჩვენ მთელი გულით გვიხაროდა, რომ მათ კარგი მეუღლეები აირჩიეს.