იესო ამბობს: „ბედნიერნი არიან სულიერს მოწყურებულნი, რადგან მათია ზეციერი სამეფო. ბედნიერნი არიან მგლოვიარენი, რადგან ისინი ნუგეშს პოვებენ . . .

მათე 5:3—

რას გულისხმობს იესო სიტყვაში „ბედნიერი“? ის არ გულისხმობს უბრალოდ მხიარულ განწყობას, რომელიც შესაძლოა კაცს მაშინ დაეუფლოს, როცა სასიამოვნოდ ატარებს დროს. ნამდვილი ბედნიერება გაცილებით ღრმა გრძნობაა; ბედნიერი კაცი შინაგან კმაყოფილებას განიცდის.

როგორც იესო აღნიშნავს, ბედნიერი ისაა, ვისაც გააზრებული აქვს, რომ სულიერის გარეშე შეუძლებელია ცხოვრება, ვისაც კარგად ესმის, რამდენად ცოდვილია და განიცდის ამას; ვისაც სწყურია ღვთის უკეთ გაცნობა და სურს, მთელი გულით ემსახუროს მას.