ბი-ბი-სი-ს ერთ-ერთი გადაცემის, „ბიბლიის საიდუმლოებანი“, მთავარი თემა იყო „ვინ არის მარიამ მაგდალელი სინამდვილეში?“. გადაცემაში აღნიშნეს, რომ აპოკრიფულ წერილებში მარიამი „იესოს მოწაფეების მასწავლებლად და სულიერ წინამძღოლად მოიხსენიება. იგი არა მხოლოდ მოწაფე იყო, არამედ მოციქულთა შორის აღმატებული“. ბრაზილიაში გამომავალ ერთ-ერთ გაზეთში ხუან არიასმა აღნიშნა, სავარაუდოდ რა მისია ეკისრათ პირველ საუკუნეში ქალებს, მათ შორის მარიამ მაგდალელს: „დღეს ყველაფერი იმაზე მეტყველებს, რომ ქრისტიანობა, რომელსაც იესომ ჩაუყარა საფუძველი, ძირითადად, ფემინისტურ ხასიათს ატარებდა. მიზეზი ის არის, რომ პირველი ეკლესიების მაგივრობას ქალთა სახლები სწევდა, სადაც ისინი მღვდლებად და ეპისკოპოსებად მსახურობდნენ“ (O Estado de S. Paulo).