იფიქრეთ იმაზე, რაც სხვებს თქვენთვის გაუკეთებიათ და იყავით მადლიერი. ამ მხრივ არაჩვეულებრივი მაგალითი იესომ დაგვიტოვა. მაგალითად, როცა მარიამმა იესოს ძვირად ღირებული ნელსაცხებელი სცხო თავსა და ფეხებზე, ზოგმა თქვა: „ასე უაზროდ რატომ დაიხარჯა ნელსაცხებელი?“.a კრიტიკულად განწყობილები ფიქრობდნენ, რომ შეიძლებოდა ნელსაცხებლის გაყიდვა და ფულის ღარიბებისთვის დარიგება. იესომ მათ უპასუხა: „თავი დაანებეთ. რას ერჩით?“ შემდეგ დაამატა: „მან ის გააკეთა, რაც შეეძლო“ (მარკოზი 14:3—8; იოანე 12:3). იესოს ყურადღება იმაზე არ გაუმახვილებია, რაც მარიამმა არ გააკეთა, არამედ იმაზე გაამახვილა, რაც გააკეთა და ამისთვის მადლიერება გამოხატა.