შავი ჭირი — ბნელში მოარული, სენი — შუადღის მძარცველი“ (ფსალმუნი 90:5, 6).

გარდა ამისა, ჩვენ არ გვაკრთობს ‘ბნელში მოარული შავი ჭირი’. ეს სიმბოლური შავი ჭირი სატანის ძალაუფლებაში მყოფ, ზნეობრივად და სულიერად დაავადებულ და წყვდიადით მოცულ მთელ წუთისოფელსაა მოდებული (1 იოანე 5:19). იგი მომაკვდინებლად მოქმედებს ადამიანების გონებასა და გულზე; მათ არაფერი იციან იეჰოვას, მისი განზრახვებისა და იმ ღონისძიებების შესახებ, რითაც მან სიყვარულით უზრუნველგვყო (1 ტიმოთე 6:4). უკუნეთით მოცულ ამ მსოფლიოში ჩვენს გულებს სულაც არ ეკარება შიში, რადგან უხვად გვაქვს სულიერი სინათლე (ფსალმუნი 42:3).